ଗୁରୁବାରରେ ମା ଲକ୍ଷ୍ମୀଙ୍କୁ ପୂଜା କରିବା ଦ୍ୱାରା ଧନପ୍ରାପ୍ତି ହୋଇଥାଏ। ଏହିଦିନ ବିଷ୍ଣୁ ଓ ଲକ୍ଷ୍ମୀଙ୍କୁ ଯୁଗଳ ଭାବେ ପୂଜା କରିବା ଦ୍ୱାରା ମଧ୍ୟ ଆଶୀର୍ବାଦ ପ୍ରାପ୍ତି ହୋଇଥାଏ। ଗୁରୁବାର ଦିନ ଶ୍ରଦ୍ଧାର ସହ ପୂଜା କରିବା ଦ୍ୱାରା ସମସ୍ତ ମନୋକାମନା ପୂର୍ଣ୍ଣ ହୋଇଥାଏ।
ଗୁରୁବାର ଦିନ ବ୍ରତ କରିବା ଦ୍ୱାରା ଜୀବନରେ ଅନେକ ଲାଭ ହୋଇଥାଏ। ଏହାଦ୍ୱାରା ଆର୍ଥିକ ସ୍ଥିତିରେ ସୁଧାର ଆସିଥାଏ। ସ୍ୱାସ୍ଥ୍ୟରେ ଅବନତି ଘଟୁଥିଲେ ଏହି ବ୍ରତ କରିବା ଦ୍ୱାରା ଉନ୍ନତି ହୋଇଥାଏ। ସମାଜରେ ସମ୍ମାନ ବୃଦ୍ଧି ପାଇଥାଏ। ଗୁରୁବାର ଦିନ ବ୍ରତ କରିବା ଦ୍ୱାରା ଘରେ ସୁଖଶାନ୍ତିର ବାତାବରଣ ସୃଷ୍ଟି ହୋଇଥାଏ। ଏହି ବ୍ରତ କରିବାର କିଛି ନିୟମ ରହିଛି।
ଆସନ୍ତୁ ଜାଣିବା ଏହି ବ୍ରତ କିପରି କରିବା ଉଚିତ୍..
ଗୁରୁବାର ଦିନ ନଖ ଓ ଚୁଟି କାଟନ୍ତୁ ନାହିଁ।
ବସ୍ତ୍ରକୁ ସଫା କରନ୍ତୁ ନାହିଁ। ଆବଶ୍ୟକ ନ ଥିଲେ ଘରୁ ବାହାରନ୍ତୁ ନାହିଁ।
ଲୁଣର ଅଯଥା ନଷ୍ଟ କରନ୍ତୁ ନାହିଁ।
ମା’ ଲକ୍ଷ୍ମୀ ଓ ବିଷ୍ଣୁଙ୍କର ଯୁଗଳ ପ୍ରତିମାକୁ ଶ୍ରଦ୍ଧାର ସହ ପୂଜା କରନ୍ତୁ।
ପ୍ରସାଦ ରୂପେ ଫଳ ଭୋଗ ଲଗାନ୍ତୁ।
ପୂଜା କରିବାର ବିଧି:
ଗୁରୁବାର ଦିନ ସ୍ନାନ କରି ସାରିବା ପରେ ହଳଦିଆ ରଙ୍ଗର ବସ୍ତ୍ର ପରିଧାନ କରନ୍ତୁ। ପୂଜା ଘରକୁ ଭଲ ଭାବରେ ପାଣିରେ ଧୋଇ ଦିଅନ୍ତୁ। ପୂଜା ସମୟରେ ହଳଦିଆ ଫୁଲ, ଚଣା ଡାଲିରେ ମା’ ଲକ୍ଷ୍ମୀଙ୍କୁ ପୂଜା କରନ୍ତୁ। ପୂଜା ସମୟରେ ଅନ୍ୟମନସ୍କ ହୁଅନ୍ତୁ ନାହିଁ। ଶ୍ରଦ୍ଧାର ସହ ପୂଜା କରି ମନ୍ତ୍ର ପାଠ କରନ୍ତୁ।
ପାଣିରେ ହଳଦୀ ପକାଇ କଦଳୀ ବୃକ୍ଷ ମୂଳରେ ଢାଳନ୍ତୁ। କଦଳୀ ବୃକ୍ଷ ମୂଳରେ ଚଣା ଡାଲିର ଭୋଗ ଚଢାନ୍ତୁ। ଗଛ ପାଖରେ ଦୀପ ଜଳାଇ ଆଳତି କରନ୍ତୁ। ଗୁରୁବାର ଦିନ ବ୍ରତ କରୁଥିଲେ ଦିନରେ କେବଳ ଗୋଟିଏ ଥର ଭୋଜନ କରନ୍ତୁ।
