ଡେସ୍କ: ଦକ୍ଷିଣ ଆଫ୍ରିକାର ଏକ ପରିତ୍ୟକ୍ତ ସୁନା ଖଣିରୁ ଉଦ୍ଧାରକାରୀ ଓ ସ୍ୱେଚ୍ଛାସେବୀମାନେ ୭୮ ମୃତ ଖଣି ଶ୍ରମିକ ଏବଂ ୧୬୦ରୁ ଅଧିକ ବଞ୍ଚିଥିବା ବ୍ୟକ୍ତିଙ୍କୁ ଉଦ୍ଧାର କରିଛନ୍ତି। ସେମାନେ ବେଆଇନ ଭାବେ ଖଣି ଖନନ କରୁଥିବାରୁ ପୁଲିସ ନିକଟରେ ଆତ୍ମସମର୍ପଣ କରିବାକୁ ଦାବି କରି କର୍ତ୍ତୃପକ୍ଷଙ୍କ ସହ ଦୁଇ ମାସରୁ ଅଧିକ ସମୟ ଧରି ଅଟକି ରହିଛନ୍ତି।
ବୁଧବାର ମଧ୍ୟ ଶତାଧିକ ଲୋକ ଫସି ରହିଥିବା ଅନୁମାନ କରାଯାଉଛି। ସେଠାକାର ସରକାର ସେମାନଙ୍କ ପାଇଁ ଖାଦ୍ୟ ଏବଂ ଅନ୍ୟାନ୍ୟ ଯୋଗାଣ ବନ୍ଦ କରି ଖଣି ଭିତରକୁ ଧୂଆଁ ଛାଡିବା ନିଷ୍ପତ୍ତିକୁ ସମାଲୋଚନା କରାଯାଇଛି। ସରକାର ସପ୍ତାହେ ଧରି ଉଦ୍ଧାର କରିବାକୁ ମନା କରିବା ଫଳରେ ଅନେକ ଖଣି ଶ୍ରମିକ ଅନାହାର ଓ ରୋଗରେ ପ୍ରାଣ ହରାଇଛନ୍ତି। ଅଦାଲତଙ୍କ ନିର୍ଦ୍ଦେଶ ପରେ ଏବେ ଉଦ୍ଧାର କାର୍ଯ୍ୟ ଜାରି ରହିଛି, କିନ୍ତୁ ଗୋଟିଏ ସମୟରେ ମାତ୍ର କିଛି ଖଣି ଶ୍ରମିକଙ୍କୁ ଉଦ୍ଧାର କରାଯାଇ ପାରିବ ଏବଂ ଏଥିପାଇଁ ପ୍ରାୟ ୧୦ ଦିନରୁ ଅଧିକ ସମୟ ଲାଗିପାରେ।
ଜଣେ ଖଣି ଶ୍ରମିକଙ୍କ ସମ୍ପର୍କୀୟଙ୍କ ଅନୁରୋଧ କ୍ରମେ ଗତ ସପ୍ତାହରେ ଏକ ଅଦାଲତ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଦେଇଥିଲେ, ଯାହା ସୋମବାରଠାରୁ ଆରମ୍ଭ ହୋଇଥିଲା। ଏକ ବିଶେଷଜ୍ଞ ଖଣି ଉଦ୍ଧାରକାରୀ କମ୍ପାନୀ ବଞ୍ଚିଥିବା ଏବଂ ମୃତଦେହ ଉଦ୍ଧାର କରିବା ପାଇଁ ଖଣି ଭିତରକୁ ହଜାର ହଜାର ମିଟର ପର୍ଯ୍ୟନ୍ତ ଏକ ଛୋଟ ପିଞ୍ଜରା ପକାଇ ଦେଉଛନ୍ତି। କିନ୍ତୁ କମ୍ପାନିର କୌଣସି କର୍ମଚାରୀ ଶାଫ୍ଟ ଭିତରକୁ ପ୍ରବେଶ କରୁନାହାନୀ କାରଣ ସେମାନେ ଏହାକୁ ଅତ୍ୟନ୍ତ ବିପଜ୍ଜନକ ମନେ କରୁଛନ୍ତି।
ଉଦ୍ଧାର ହେଉଥିବା ଜୀବିତ ଲୋକଙ୍କୁ ଗିରଫ କରାଯାଇଛି ବୋଲି କର୍ତ୍ତୃପକ୍ଷ କହିଛନ୍ତି। ଗତକାଲି ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରେ ମୋଜାମ୍ବିକର ୬୭ ଜଣ, ଲେସୋଥୋର ୨୬ ଜଣ ଓ ଜିମ୍ବାୱେର ୧୧ ଜଣ ନାଗରିକଙ୍କ ବ୍ୟତୀତ ଦୁଇ ଜଣ ଦକ୍ଷିଣ ଆଫ୍ରିକା ନାଗରିକ ଅଛନ୍ତି।
Comments are closed.