କାଳବୈଶାଖୀର ତାଣ୍ଡବରେ ଉଡିଲା ଘରର ଛପର 

କଲ୍ୟାଣସିଂହପୁର :  ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ମନେଇଗୁଡା ଗ୍ରାମ ନିକଟରେ ଥିବା ପଦରସାହିରେ କାଳବୈଶାଖୀର ତାଣ୍ଡବ ଦେଖାଯାଇଛି। ଏଥିରେ ୨ ପରିବାରଙ୍କ ଘରର ଛପର ଉଡି ଯାଇଥିବା ଦେଖିବାକୁ ମିଳିଛି ।ପଦରସାଇର ମଧୁ ସୁଦନ ନାଗ,ଓ ସୁଖ ବଡ଼ ନାୟକ, ଏହି ୨ ପରିବାରଙ୍କ ଘର ଗତକାଲି ଅପରାହ୍ନରେ ଘଡଘଡି ସହ ଜୋରରେପବନ ସାଙ୍ଗକୁ କୁଆପଥର ବର୍ଷା ହେବା ଯୋଗୁଁ  ଘରର ଛପର ଉଡିଯାଇଥିଲା ।

ଯାହାଫଳରେ ଘରର ସମସ୍ତ ଧାନ, ଚାଉଳ, ମ।ଣ୍ଡିଆ, ପୋଷାକ, ଇତ୍ୟାଦି ଜିନିଷ, ଭିଜି ଯାଇଥିଲା । ଉକ୍ତ ଖବର ପାଇଁ  ସ୍ଥାନୀୟ ସରପଞ୍ଚ ସଂଜୟ ନିଶିକା ପହଞ୍ଚି  ମାଝିଗୁଡା ରାଜସ୍ବ ନିରୀକ୍ଷକ ସନ୍ତୋଷ ପାଣିଗ୍ରାହୀଙ୍କୁ ଯୋଗା ଯୋଗ କରି  ଘଟଣା ସ୍ଥଳକୁ ଯାଇ ଦେଖିବା ପରେ ଲୋକକୁ ପଲିଥିନ ଯୋଗାଇ ଦେଇ ଥିଲେ । ଏହାର ତଥ୍ୟ ସଂଗ୍ରହ କରି ତହସିଲଦାର ଦେବାଶିଷ କରଙ୍କୁ ଜଣାଇବେ ବୋଲି କହିଛନ୍ତି । ୨ ପରିବାରଙ୍କୁ ଆବାସ ଯୋଜନାରେ ସାମିଲ କରି ଘର ଖଣ୍ଡିଏ ଯୋଗାଇ ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।