କଲ୍ୟାଣସିଂହପୁର:ରାୟଗଡା ଜିଲା କଲ୍ୟାଣସିଂହପୁର ବ୍ଲକ କନ୍ଧକାତିପାଡୁ ପଞ୍ଚାୟତର ଦାନ୍ତୀଲିଙ୍ଗି ଗ୍ରାମରେ ଭାରସାମ୍ୟ ହରାଇ ଟ୍ରାକ୍ଟର ଇଞ୍ଜିନ ଓଲଟିବାରୁ ଯୁବକ ରାମଚନ୍ଦ୍ର ମିଣିଆକାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ପୁଲିସ କହିବା ଅନୁଯାୟୀ ଆଜି ଅପରାହ୍ନରେ ଟ୍ରାକ୍ଟର ଚାଳକ ଗାଡି ରଖି ବାହାରକୁ ଯାଇଥିବା ବେଳେ ଗାଡ଼ିରେ ବସିଥିବା ଦୁଇଜଣ ଯୁବକ ମଧ୍ୟରୁ ଜାଗିଲି ମିଣିଆକାଙ୍କ ପୁଅ ରାମଚନ୍ଦ୍ର ମିଣିଆକା ଟ୍ରାକ୍ଟର ଟିକୁ ଷ୍ଟାଟ କରି ଚଳାଇବା ବେଳେ ଭାରସାମ୍ୟ ହରାଇ ରାସ୍ତା ପାର୍ଶ୍ୱ ଏକ ଖାଲକୁ ଓଲଟି ପଡିଲା। ଯାହା ଫଳରେ ଗାଡ଼ିରେ ବସିଥିବା ଅନ୍ୟ ଯୁବକ ଡେଇଁ ଫେରାର ହୋଇଯାଇଥିବା ବେଳେ ରାମଚନ୍ଦ୍ରଙ୍କ ଘଟଣା ସ୍ଥଳରେମୃତ୍ୟୁ ହୋଇଯାଇଥିଲା। ଉକ୍ତ ଖବର ପାଇ କଲ୍ୟାଣସିଂହପୁର ପୁଲିସ ଏସ ଆଇ ସଞ୍ଜୟ କୁମାର ମୁର୍ମୁ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ ସହ ଅପମୃତ ମାମଲା ରୁଜୁ ପରେ ବ୍ୟବଚ୍ଛେଦ କରାଇ ପରିବାରକୁ ହସ୍ତାନ୍ତର କରିଛନ୍ତି।
Comments are closed.