ପ୍ରଥମ ଦିନିକିଆ: ଦକ୍ଷିଣ ଆଫ୍ରିକା ବିପକ୍ଷରେ ୮ୱିକେଟରେ ଜିତିଲା ଭାରତ
ପଦାର୍ପଣ ମ୍ୟାଚରେ ବ୍ୟାଟିଂରେ ଚମକ ଦେଖାଇଲେ ସାଇ ସୁଦର୍ଶନ
ଜୋହାନ୍ସବର୍ଗ: ବିଶ୍ବକପ୍-୨୦୨୩ ପରେ ଭାରତୀୟ କ୍ରିକେଟ୍ ଦଳ ପ୍ରଥମ ଥର ପାଇଁ ଖେଳିଥିବା ଦିନିକିଆ ଶୃଙ୍ଖଳାର ପ୍ରଥମ ମ୍ୟାଚ୍କୁ ସହଜରେ ବିଜୟ ହାସଲ କରିଛି। ଜୋହାନ୍ସବର୍ଗରେ ପ୍ରଥମ ଦିନିକିଆରେ ଭାରତର ସହଜ ବିଜୟ ହୋଇଛି। ଦକ୍ଷିଣ ଆଫ୍ରିକା ବିପକ୍ଷରେ ୮ୱିକେଟରେ ଜିତିଛି ଭାରତ। ମାତ୍ର ୧୬.୪ ଓଭରରେ ମ୍ୟାଚ ଜିତିଲା ଭାରତୀୟ ଦଳ।
ପଦାର୍ପଣ ମ୍ୟାଚରେ ବ୍ୟାଟିଂରେ ଚମକ ଦେଖାଇଲେ ସାଇ ସୁଦର୍ଶନ। ସାଇ ସୁଦର୍ଶନ ଓପନ କରି ୪୩ଟି ବଲରୁ ୯ଟି ଚୌକା ଜରିଆରେ ଅପରାଜିତ ୫୫ ରନ କରିଛନ୍ତି। ଶ୍ରେୟସ ଆୟରଙ୍କ ୫୨ରନ, ଭାରତ ୧୧୭/୨। ଦକ୍ଷିଣ ଆଫ୍ରିକାକୁ ୧୧୬ ରନରେ ସୀମିତ ରଖିଥିଲେ ଅର୍ଶଦୀପ ଓ ଆଭେସ। ଅର୍ଶଦୀପ ୫ୱିକେଟ ନେଇଥିଲାବେଳେ ଆଭେସଙ୍କୁ ମିଳିଥିଲା ୪ୱିକେଟ।
ଅର୍ଶଦୀପ ସିଂହଙ୍କୁ ପ୍ଲେୟାର ଅଫ୍ ଦ ମ୍ୟାଚ୍ ପୁରସ୍କାର ମିଳିଥିବାବେଳେ ଭାରତ ୩ ମ୍ୟାଚ ବିଶିଷ୍ଟ ଦିନିକିଆ ଶୃଙ୍ଖଳାରେ ୧-୦ରେ ଅଗ୍ରଣୀ ହୋଇଛି। ଶୃଙ୍ଖଳାର ଦ୍ବିତୀୟ ମୁକାବିଲା ଡିସେମ୍ବର ୧୯ରେ ଖେଳାଯିବ।
Comments are closed.