ଛୋଟ ହେଉ କି ବଡ ହେଉ କେଶ ତାହା ଅଧିକାଂଶ ସମୟରେ ପରସ୍ପର ମଧ୍ୟରେ ଛନ୍ଦି ହୋଇଥାଏ। ଏହାଦ୍ବାରା କେଶରେ କରିଥିବା ଷ୍ଟାଇଲ ଜଣାପଡି ନଥାଏ। ଅନେକ କାରଣରୁ କେଶ ଛନ୍ଦି ହୋଇଥାଏ। ତେଣୁ କେଶର ସଠିକ ଯତ୍ନ ନେବା ଦ୍ବାରା ଏପରି ସମସ୍ୟାରୁ ରକ୍ଷା ପାଇପାରିବା। କେଶ ଛନ୍ଦି ହୋଇଯିବା ଦ୍ବାରା ତାହା ଉପୁଡି ଥାଏ। ଆସନ୍ତୁ ଜାଣିବା ଏହି ସମସ୍ୟାରୁ କିପରି ଦୂରେଇ ରହିବା ..
କେଶକୁ ପ୍ରତିଦିନ ଧୁଅନ୍ତୁ ନାହିଁ :
ପ୍ରତିଦିନ କେଶକୁ ସାମ୍ପ୍ୟୁରେ ଧୋଇବା ଅନୁଚିତ। ଏପରି କରିବା ଦ୍ବାରା କେଶରେ ଥିବା ପ୍ରାକୃତିକ ତେଲ ଓ କୋମଳତା ନଷ୍ଟ ହୋଇଯାଏ। ଏହାଦ୍ବାରା କେଶ ଶୁଷ୍କ ହୋଇଯାଏ। ତେଣୁ କେଶରେ ଥିବା ପ୍ରାକୃତିକ ତେଲ ଏହାକୁ ସୁସ୍ଥ ରଖିବା ସହ ଛନ୍ଦି ହେବାକୁ ଦେଇ ନ ଥାଏ। କେଶ ମଧ୍ୟ କମ ଉପୁଡିଥାଏ। ପ୍ରତି ସପ୍ତାହରେ ୨ରୁ ୩ ଥର ସାମ୍ପ୍ୟୁ କରିବା ଉଚିତ। ପ୍ରତିଦିନ କେଶ ଯଦି ଅଧିକ ଅପରିଷ୍କାର ରୁହେ ତେବେ ତାହା ସାଧା ପାଣିରେ ଧୋଇବା ଉଚିତ।
ଅଧିକ ସମୟ ଖୋଲା ରଖନ୍ତୁ ନାହିଁ :
ଯଦି ଆପଣଙ୍କ କେଶ ଅଧିକ ଛନ୍ଦି ହେଉଥାଏ ତେବେ ତାକୁ ବେଶୀ ସମୟ ଖୋଲା ରଖନ୍ତୁ ନାହିଁ। ଦିନକୁ ୨ରୁ ୩ଥର କେଶ କୁଣ୍ଡାନ୍ତୁ। ତାପରେ ତାକୁ ବାନ୍ଧି ରଖନ୍ତୁ। କେଶ ବାନ୍ଧିବା ଦ୍ବାରା ତାହା ବେଶୀ ଝଡି ନ ଥାଏ।
ହେୟାର ମାକ୍ସର ବ୍ୟବହାର କରନ୍ତୁ :
କେଶକୁ ନରମ ରଖିବା ପାଇଁ ହେୟାର ମାକ୍ସର ବ୍ୟବହାର ଏକ ଉତ୍ତମ ଉପାୟ ଅଟେ। ଏହାଦ୍ବାରା କେଶକୁ ପୋଷଣ ମଧ୍ୟ ମିଳିଥାଏ। ବଜାରରେ ମିଳଥିବା ହେୟାର ମାକ୍ସ ଅପେକ୍ଷା ପ୍ରାକୃତିକ ହେୟାର ମାକ୍ସ ଅତି ଉତ୍ତମ ହୋଇଥାଏ। ଘରେ ମଧ୍ୟ ହେୟାର ମାକ୍ସ ପ୍ରସ୍ତୁତ କରି କେଶରେ ବ୍ୟବହାର କରିପାରିବେ। ନଡିଆ ତେଲ ଓ କଦଳୀ କିମ୍ବା ନଡିଆ ତେଲ ଓ ଅଣ୍ଡାରେ ହେୟାର ମାକ୍ସ ପ୍ରସ୍ତୁତ କରି କେଶରେ ବ୍ୟବହାର କରିପାରିବେ।
ତେଲର ବ୍ୟବହାର :
କେଶ ଛନ୍ଦି ନ ହେବା ପାଇଁ ଆମେ ବଜାରରେ ମିଳୁଥିବା ଅନେକ ପ୍ରକାର ସ୍ପେ, ସିରମ ଓ କ୍ରୀମର ବ୍ୟବହାର କରିଥାଉ। ଏହା କେଶ ପାଇଁ ଯେତିକି ଭଲ ସେତିକି ଖରାପ ମଧ୍ୟ ହୋଇଥାଏ। ତେଣୁଏହି ସମସ୍ତ ଦ୍ରବ୍ୟ ବ୍ୟବହାର ନ କରି ଆମେ କେଶରେ ତେଲ ଲଗାଇବା ଉଚିତ। ଏହାଦ୍ବାରା କେଶରେ କୌଣସି ପ୍ରକାରର ଖରାପ ପ୍ରଭାବ ପଡିନଥାଏ।
