ହରଭଙ୍ଗା : ଗତ ଲଗାଣ ବର୍ଷାରେ ହରଭଙ୍ଗା ବ୍ଲକର ୬ଟି ପଞ୍ଚାୟତର ୫୦ ପ୍ରତିଶ୍ରତରୁ ଅଧିକ ପନିପରିବା ଫସଲ ନଷ୍ଟ ହୋଇଥିବା ଆକଳନ ରିପୋର୍ଟରୁ ଜଣାପଡିଛି। ସୂଚନା ଅନୁସାରେ ଗତ ଲଗାଣ ବର୍ଷାରେ ବ୍ଲକର ୨୨ପଞ୍ଚାୟତରୁ ୧୧ଟି ପଞ୍ଚାୟତରେ ପନିପରିବା ଫସଲ ଚାଷ ଅଧିକ ପରିମାଣରେ ପ୍ରଭାବିତ ହୋଇଥିଲା। ମାତ୍ର ବର୍ଷାପାଣି ଜମିରହିବାରୁ ବୀରନରସିଂହପୁର, ରାମଗଡ, ଧଳପୁର, ହରଭଙ୍ଗା, ମଥୁରା ଏବଂ ଶଙ୍କୁଲେଇ ପଞ୍ଚାୟତର ୨୫.୪ହେକ୍ଟର ପରିବା ଚାଷ ଜମିରେ ୫୦ ପ୍ରତିଶ୍ରତରୁ ଅଧିକ ବିନ, କଖାରୁ, ବାଇଗଣ , ଭେଣ୍ଡିଏବଂ ଗୁଆଁର ଇତ୍ୟାଦି ପରିବାଗଛ ପଚିସଢି ନଷ୍ଟ ହୋଇଥିବା ଯୁଗ୍ମ ତଦନ୍ତ ରିପୋର୍ଟରୁ ସୂଚନା ମିଳିଛି । ଏ ନେଇ ଉଦ୍ୟାନକୃଷି ବିଭାଗ ପକ୍ଷରୁ ଏକ ତାଲିକା ପ୍ରସ୍ତୁତ କରାଯାଇ ଚାଷୀଙ୍କ କ୍ଷୟକ୍ଷତି ଆକଳନ ରିପୋର୍ଟ ପ୍ରଦାନ କରାଯାଇଥିବା ସୂଚନା ମିଳିଛି।
Comments are closed.