ଗୁରୁବାରଠାରୁ ଫୁଟୁବଲର ମହାକୁମ୍ଭ କୁହାଯାଉଥିବା ଫିଫା ବିଶ୍ୱକପ ୨୦୧୮ଆରମ୍ଭ ହୋଇଛି। ଏହା ସହିତ ଫୁଟୁବଲର ଦିୱାନା ମାନଙ୍କର ୪ବର୍ଷର ଅପେକ୍ଷା ଶେଷ ହୋଇଛି। ଫିଫା ବିଶ୍ୱକପ ୨୦୧୮ର ପ୍ରଥମ ଉଦଘାଟନୀ ମ୍ୟାଚ ରୁଷ ଏବଂ ସାଉଦି ଆରବ ମଧ୍ୟରେ ଖେଳାଯାଇଛି। ବିଶ୍ୱକପର ମ୍ୟାଚ ଆରମ୍ଭ ହେବା ପୂର୍ବରୁ ଧମାକାରେ ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଫିଫା ବିଶ୍ୱକପ ୨୦୧୮ର ଉଦଘାଟନୀ ସମାରୋହରେ ମନୋରଞ୍ଜନ ଜଗତର ନାମୀ ଦାମୀ ବ୍ୟକ୍ତିତ୍ୱ ଭାଗନେଇଥିଲେ। ବ୍ରିଟିଶ ପପ୍ ଷ୍ଟାର ରୋବି ବିଲିୟନସଙ୍କର ସଙ୍ଗୀତରୁ ଏହା ଆରମ୍ଭ ହୋଇଥିଲା। ରୋବି ବିଲିୟନସ ଫୁଟୁବଲର ମଇଦାନରେ ୮୦ହଜାର ଲୋକଙ୍କ ସାମ୍ନାରେ ପପ୍ ସଙ୍ଗୀତ ପରିବେଷଣ କରି ତାଙ୍କର ଏକ ସ୍ୱପ୍ନକୁ୍ନ ସାକାର କରିଥିବା କଥା କହିଛନ୍ତି। ରୋବିଙ୍କ ସହିତ ରୁଷର ଏଡା ଗାରୀଫୁଲିନା ସଙ୍ଗୀତ କରିବେଷଣ କରିଥିଲେ।
