ନୂଆଦିଲ୍ଲୀ : କର୍ମଚାରୀଙ୍କୁ ସପ୍ତାହରେ ୭୦ ଘଣ୍ଟା କାମ କରିବା ଉପରେ ବିବୃତ୍ତି ଦେଇଥିବା ଇନଫୋସିସ୍ର ସହ-ପ୍ରତିଷ୍ଠାତା ନାରାୟଣ ମୂର୍ତ୍ତିଙ୍କର ମୈସୁରରେ ସ୍ଥିତ ଇନଫୋସିସ୍ କାର୍ଯ୍ୟାଳୟ ନିକଟରେ ଗତ ୩୧ ଡିସେମ୍ବରରେ ଏକ ଚିତାବାଘ ଦେଖାଯାଇଥିଲା। ଏହାପରେ କମ୍ପାନୀରେ ଭୟର ବାତାବରଣ ସୃଷ୍ଟି ହୋଇଥିଲା। କର୍ମଚାରୀ ଭୟଭୀତ ହୋଇଥିଲେ। ସୁରକ୍ଷା ଦୃଷ୍ଟିରୁ କମ୍ପାନୀ ପକ୍ଷରୁ କର୍ମଚାରୀଙ୍କୁ ୱାର୍କ ଫ୍ରମ୍ ହୋମ୍ର ସୁବିଧା ପ୍ରଦାନ କରାଯାଇଥିଲା। କମ୍ପାନୀ ନିକଟରେ ଚିତାବାଘ ବୁଲିବା ଖବର ସୋସିଆଲ ମିଡିଆରେ ଖୁବ୍ ଭାଇରାଲ୍ ହୋଇଥିଲା। ଏବେ ଚିତାବାଘ ଓ କମ୍ପାନୀରେ ୭୦ ଘଣ୍ଟା କାମକୁ ନେଇ ଅନେକ ମେମ୍ସ ଦ୍ରୁତ ଗତିରେ ଭାଇରାଲ୍ ହେଉଛି ।
Update: That leopard joined Infosys as Jr Software Engineer. Forced to work for 70 hours per week. https://t.co/DMElnpVRsV pic.twitter.com/pvnrCZnVqS
— Mal-Lee | ಮಲ್ಲಿ (@MallikarjunaNH) January 5, 2025
ଅପର ପକ୍ଷରେ ସୋସିଆଲ ମିଡିଆ ବ୍ୟବହାରକାରୀ ନାରାୟଣ ମୂର୍ତ୍ତିଙ୍କ ୭୦ ଘଣ୍ଟା କାମ କରିବା ବିବୃତ୍ତି ଉପରେ ଅନେକ ମନ୍ତବ୍ୟ ଦେଇଛନ୍ତି। ଚିତାବାଘର ଅନେକ ଫଟୋ ଉପରେ ଆଇକାର୍ଡ ରଖିବା ସହ ଲାଲଟପ୍ ନିକଟରେ ବସାଇବା ଆଦି ଭାଇରାଲ୍ ହେଉଛି।
ମହାକୁମ୍ଭରେ ୧୪୪ ବର୍ଷ ପରେ ଦୁର୍ଲ୍ଲଭ ସଂଯୋଗ; ଏହି ରାଶିଙ୍କ ଉପରେ ହେବ ଧନବର୍ଷା, ହେବେ ଭାଗ୍ୟଶାଳୀ..
ସୋସିଆଲ ମିଡିଆରେ ଭାଇରାଲ୍ ପୋଷ୍ଟ ଉପରେ ଲୋକେ ମତ ଦେଇ କହିଛନ୍ତି, କାମ କରିବା ପାଇଁ ଚିତାବାଘ ଆସି ପହଞ୍ଚିଛି। ବାଘକୁ ୭୦ ଘଣ୍ଟା କାମ କରିବା ପାଇଁ ବାଧ୍ୟ କରାଯିବ।
Good he didn't stray into the L&T campus ! pic.twitter.com/rP8l8JAKv4
— D Prasanth Nair (@DPrasanthNair) January 10, 2025
ଆଉ ଜଣେ ବ୍ୟବହାରକାରୀ ଲେଖିଛନ୍ତି, ଏହି ଚିତାବାଘ ‘ଏଲଆଣ୍ଡଟି’ କମ୍ପାନୀକୁ କାମ କରିବାକୁ ଆସି ନାହିଁ, ନଚେତ୍ ରବିବାର ମଧ୍ୟ ଏହାକୁ ସପ୍ତାହାନ୍ତ ଛୁଟି ମିଳି ନଥାନ୍ତା।’ ଆଉ ଜଣେ ଲେଖିଛନ୍ତି, ‘କେବଳ ଚିତାବାଘ ହିଁ ଇନଫୋସିସ୍ କର୍ମଚାରୀଙ୍କୁ ଘରୁ କାମ କରିବାକୁ ସୁବିଧା ପ୍ରଦାନ କରିପାରିବ’।
