ନୂଆଦିଲ୍ଲୀ : ବର୍ଷା ଯୋଗୁଁ ଅନେକ ସ୍ଥାନରେ ବିଜୁଳି କାଟ ଘଟଣା ସାମ୍ନାକୁ ଆସୁଛି । ଏହା ମଧ୍ୟରେ ଉତ୍ତର ପ୍ରଦେଶର କାନପୁରରେ ଏମିତି ଏକ ଖବର ଆସିଛି ଯାହା ସମସ୍ତଙ୍କୁ ଚକିତ କରିଛି । ଏକ ଚାଳଘରେ ରହୁଥିବା ଯୁବକଙ୍କ ବିଜୁଳି ବିଲ୍ ବହୁତ ଅଧିକ ଆସିଛି ଯାହା ଏବେ ଘରମାଲିକଙ୍କୁ ଚିନ୍ତାରେ ପକାଇଛି ।
କାନପୁରରେ ରହୁଥିବା ଚନ୍ଦ୍ରଶେଖରଙ୍କ ୪-୫ ମାସର ବିଜୁଳି ବିଲ୍ ଅଟକି ରହିଥିଲା । ସେ ବିଜୁଳି ବିଭାଗ କାର୍ଯ୍ୟାଳୟରେ ପହଞ୍ଚିଲେ । ସେଠାରେ ସେ ବିଜୁଳି ବିଲ୍ ଦେଖିବା ପରେ ଚକିତ ହୋଇଗଲେ । ତାଙ୍କ ବିଜୁଳି ବିଲ୍ ୨୩ ଲକ୍ଷ ୯୪ ହଜାର ୫୧୨ ଟଙ୍କା ଆସିଥିଲା । ସେ ଆଶ୍ଚର୍ଯ୍ୟ ହୋଇ ଜଣାଇଛନ୍ତି କି ତାଙ୍କ ଘରେ ମାତ୍ର ଗୋଟିଏ କୁଲର, ଗୋଟିଏ ଫ୍ରିଜ୍ ଏବଂ ୨ଟି ଫ୍ୟାନ୍ ଲାଗିଛି । କିନ୍ତୁ ଏତେ ଟଙ୍କା ବିଲ୍ ଆସିଲା କେମିତି ? ତେବେ ଏହି ମାମଲାରେ ବିଜୁଳି ବିଭାଗ ଅଧିକାରୀଙ୍କ କହିବାନୁସାରେ ଯାନ୍ତ୍ରିକ ତ୍ରୁଟି ଯୋଗୁଁ ଏଭଳି ହୋଇଛି । ସର୍ଭରରେ ହୋଇଥିବା ପରିବର୍ତ୍ତନ ଯୋଗୁଁ କିଛି ମିଟରରେ ଯାନ୍ତ୍ରିକ ତ୍ରୁଟି ଦର୍ଶାଉଛି । ଏଥିପାଇଁ ସଠିକ୍ ତଥ୍ୟ ନେଇହେଉନି । ବିଭାଗ ଆଶ୍ବାସନା ଦେଇଛି କି ଖୁବ୍ ଶୀଘ୍ର ଏହାର ସମାଧାନ କରାଯିବ ।
ଖୋଲିଲା ରହସ୍ୟ ; ୨୫ ଲକ୍ଷ ସୁପାରୀ ଠାରୁ ଏକେ-୪୭,ସଲମାନଙ୍କ ହତ୍ୟା ପାଇଁ ଏମିତି ଥିଲା ଯୋଜନା..
