ରେଳ ଧାରଣାରୁ ବୃଦ୍ଧାଙ୍କ ମୃତଦେହ ଉଦ୍ଧାର
![](https://samajalive.in/wp-content/uploads/2024/03/DeadBody_1707798094-750x430.jpg)
କଣ୍ଟାବାଞ୍ଜି: ତୁରେକେଲା ଥାନା ମହୁଲବାହଲି ନିକଟ ରେଳ ଧାରଣାରୁ ଜଣେ ବୃଦ୍ଧାଙ୍କ କ୍ଷତ ବିକ୍ଷତ ଶବ ଉଦ୍ଧାର କରିଛି କଣ୍ଟାବାଞ୍ଜି ଜିଆରପି। ମୃତା ବୃଦ୍ଧା ଜଣକ ହେଲେ ଝରଣୀ ଗାଁର ୬୭ ବର୍ଷୀୟା ଉଲା ମାଝୀ। ମହୁଲବାହଲି ଗାଁ ନିକଟ ରେଳ ଧାରଣା ୧୬୦/୧୯ ମାଇଲ ଖୁଣ୍ଟ ନିକଟରେ ଏକ ମାଲଗାଡି ଧକ୍କାରେ ତାଙ୍କର ମୃତ୍ୟୁ ହୋଇଥିବା ପୁଲିସ କହିଛି। ଉଲା ମାଝୀଙ୍କ ଠାରୁ ଏକ ବ୍ୟାଗ ଉଦ୍ଧାର ହୋଇଛି। ରେଳଧରଣାରେ ପଡ଼ିଥିବା ବ୍ୟାଗରୁ ଲୁଗାପଟା ସହ ଆଧାରକାର୍ଡ଼, ବାର୍ଦ୍ଧକ୍ୟ ଭତ୍ତା କାର୍ଡ ମିଳିଛି। ସେ ମାନସିକ ବିକାରଗ୍ରସ୍ତ ଥିବା ତାଙ୍କ ପୁଅ ଉମେଶ ମାଝୀ ପୁଲିସ ଆଗରେ ପ୍ରକାଶ କରିଥିବା ଫାଣ୍ଡି ଅଧିକାରୀ ସୀତାରାମ ସୁନାରି ସୂଚନା ଦେଇଛନ୍ତି। ପୁଲିସ ଅପରାହ୍ନରେ ସ୍ଥାନୀୟ ଡାକ୍ତରଖାନାରେ ମୃତଦେହ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି।
Comments are closed.