ପାଟଣା : ଗତକାଲି ରାତିରେ ସାହାରପଡ଼ା ବ୍ଲକ ଅନ୍ତର୍ଗତ ଉଦୟପୁର ଗ୍ରାମ ପାତ୍ର ସାହିରେ ଏକ ଅଘଟଣ ଘଟିଯାଇଛି । ସାହାରପଡା ବ୍ଲକ ଉଦୟପୁର ପାତ୍ର ସାହିରେ ରାମଚନ୍ଦ୍ର ପାତ୍ରଙ୍କ ପରିବାର ମାଂସ ରୋଷେଇ କରି ଖାଇ ପିଇ ଶୋଇଯାଇଥିଲେ । ରାତି ୩ଟା ସମୟରେ ହଠାତ ଏକ ପ୍ରଚଣ୍ଡ ଶବ୍ଦ ଶୁଣି ପରିବାର ଲୋକେ ଉଠି ପଡ଼ିଥିଲେ । ରୋଷେଇ ଘରେ ଗ୍ୟାସ ଟାଙ୍କି ଫାଟି ଟାଇଲ ଛପର ଉପରକୁ ଉଡିଯାଇଥିଲା ଏବଂ ଘରର କାଠରେ ନିଆଁ ଲାଗି ଜଳିଯାଉଥିଲା । ସେମାନଙ୍କ ପାଟି ଶୁଣି ପଡିଶା ଲୋକେ ଆସି ପାଣି ଢାଳି ନିଆଁକୁ ଆୟତ୍ତ କରିଥିଲେ । ତେବେ ପରିବାର ଲୋକେ ଅନ୍ୟ ଘରେ ଶୋଇଥିବାରୁ ଅଳ୍ପକେ ବର୍ତ୍ତି ଯାଇଥିଲେ । ସିଲିଣ୍ଡର ଫାଟିବାର ସଠିକ କାରଣ ଜଣାପଡ଼ିନାହିଁ।
Popular Categories
Previous article
Next article