ପାରାଦୀପ: ଛୁରୀ ଦେଖାଇ ଜଣେ ନାବାଳିକାକୁ ଦୁଇ ଜଣ ଯୁବକ ଅପହରଣ ଉଦ୍ୟମ କରିଥିବା ସୂଚନା ମିଳିଛି। ଅପହରଣ ଉଦ୍ୟମବେଳେ ଜଣେ ଯୁବକକୁ ସ୍ଥାନୀୟ ଲୋକେ କାବୁ କରିନେଇଥିବାବେଳେ ଅନ୍ୟ ଜଣେ ଘଟଣାସ୍ଥଳରୁ ଫେରାର ହୋଇଯାଇଛି। କୁଜଙ୍ଗ ଥାନା ଅଞ୍ଚଳରେ ନାବାଳିକା ଅପହରଣ ଉଦ୍ୟମ ଅଭିଯୋଗରେ ପୁଲିସ ଜଣେ ଯୁବକକୁ ଅଟକ ରଖି ପଚରାଉଚୁରା କରୁଛି।
କୁଜଙ୍ଗ ଥାନା ଅଞ୍ଚଳରେ ଆୟୋଜିତ ହେଉଥିବା ଏକ ସାଂସ୍କୃତିକ କାର୍ଯ୍ୟକ୍ରମ ଦେଖିବାକୁ ଜଣେ ନାବାଳିକା ଆସିଥିବାବେଳେ ତାଙ୍କୁ ଦୁଇଜଣ ଯୁବକ ଅପହରଣ ଉଦ୍ୟମ କରିଥିଲେ। ନାବାଳିକାକୁ ଅପହରଣ କରାଯାଉଥିବା ଜାଣିପାରି ସ୍ଥାନୀୟ ଲୋକେ ଉଭୟ ଯୁବକଙ୍କୁ ଧରିବାକୁ ଚେଷ୍ଟା କରିଥିଲେ। ଜଣେ ଯୁବକଙ୍କୁ ସ୍ଥାନୀୟ ଲୋକେ ଧରି ପୁଲିସକୁ ଖବର ଦେଇଥିଲେ। ଅପରପକ୍ଷରେ ଅନ୍ୟଜଣେ ଯୁବକ ଘଟଣାସ୍ଥଳରୁ ଫେରାର ହୋଇଥିବା ସୂଚନା ମିଳିଛି।
