ନୂଆଦିଲ୍ଲୀ : ଦେଶ ପରେ ଏବେ ବିଦେଶରେ ଡିଜିଟାଲ ପୈଠର ପରିସର ବଢିବାରେ ଲାଗିଛି । ଯଦି ଆପଣ ମଧ୍ୟ ୟୁପିଆଇ ବ୍ୟବହାର କରୁଛନ୍ତି ତେବେ ଏହି ଖବର ଆପଣଙ୍କ ପାଇଁ ଜରୁରି । ନ୍ୟାସନାଲ୍ ପେମେଣ୍ଟ କର୍ପୋରେସନ ଅଫ୍ ଇଣ୍ଡିଆ(NPCI) ଇଣ୍ଟରନ୍ୟାସନାଲ୍ ନେଟଓ୍ବର୍କ ସହିତ ମିଶି ନୂଆ ସୁବିଧା ଆରମ୍ଭ କରିଛି । ନେଟଓ୍ବର୍କ ଇଣ୍ଟରନ୍ୟାସନାଲ୍ ମଧ୍ୟ-ପୂର୍ବ ଏବଂ ଆଫ୍ରିକା ଅଞ୍ଚଳରେ ଡିଜିଟାଲ କମର୍ସକୁ ପ୍ରୋତ୍ସାହନ ଦେଉଥିବା ପ୍ରମୁଖ କମ୍ପାନୀ । ନୂଆ ସୁବିଧା ଅନୁସାରେ ୟୁଏଇରେ ଭାରତୀୟ ପର୍ଯ୍ୟଟକ ଏବଂ ଏନଆରଆଇ ଏବେ ଇଣ୍ଟରନ୍ୟାସନାଲ୍ ନେଟଓ୍ବର୍କରେ ପଏଣ୍ଟ ଅଫ୍ ସେଲ ଟର୍ମିନାଲରେ କ୍ୟୁଆର କୋଡ୍ ଜରିଆରେ ୟୁପିଆଇ ପୈଠ କରିପାରିବେ ।
ଏନପିସିଆଇ ଇଣ୍ଟରନ୍ୟାସନାଲ୍ ତରଫରୁ ଜାରି ବୟାନ ଅନୁସାରେ ନୂଆ ସୁବିଧା ଫଳରେ ୟୁଏଇରେ ନେଟଓ୍ବର୍କ ଇଣ୍ଟରନ୍ୟାସନାଲ୍ ସହିତ ଜଡିତ ଦୋକାନଗୁଡିକରେ ଭାରତୀୟ ପର୍ଯ୍ୟଟକ ଏବଂ ଏନଆରଆଇ ୟୁପିଆଇ ଜରିଆରେ ସୁରକ୍ଷିତ ପୈଠ କରିପାରିବେ । ନେଟଓ୍ବର୍କ ଇଣ୍ଟରନ୍ୟାସନାଲର ୟୁଏଇରେ ୨ ଲକ୍ଷରୁ ଅଧିକ ପିଓଏସ୍ ଟର୍ମିନାଲ ଓ ୬୦ ହଜାରରୁ ଅଧିକ ମର୍ଚାଣ୍ଟର ନେଟଓ୍ବର୍କ ରହିଛି । ଏଠାରେ ଆପଣ ସୁରକ୍ଷିତ ଭାବେ ପୈଠ କରିପାରିବେ । ଏହି ଦୋକାନରେ ଅନେକ ପ୍ରକାର ସାମଗ୍ରୀ ରହିଛି । ଏଥିରେ କପଡା ଦୋକାନ(ରିଟେଲ୍), ହୋଟେଲ, ଟ୍ରାନ୍ସପୋର୍ଟ ଓ ସୁପରମାର୍କେଟ୍ ଆଦି ରହିଛି ।
