ସମ୍ବଲପୁର: ସନାତନ ହିନ୍ଦୁ ସମାଜ ଓ ଦେବାଦେବୀଙ୍କ ଅସମ୍ମାନ କରୁଥିବା ରାହୁଲ ଗାନ୍ଧୀଙ୍କୁ ତୀବ୍ର ବିରୋଧ କରିଛି ବ୍ରହ୍ମ ମଣ୍ଡପ ପଣ୍ଡିତ ମହାସଭା। ଏହି ମର୍ମରେ ପଣ୍ଡିତ ମହାସଭା ପକ୍ଷରୁ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଜିଲା ପ୍ରଶାସନକୁ ଏକ ଦାବିପତ୍ର ପ୍ରଦାନ କରାଯାଇଛି।
ପଣ୍ଡିତ ମହାସଭା ଦାବି କରିଛି ଯେ, ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରାଯାଉ। ଗଣତନ୍ତ୍ରର ପବିତ୍ର ମନ୍ଦିର ଭିତରେ ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧୀ ନିଜକୁ ହିନ୍ଦୁ ବୋଲାଉଥିବା ଲୋକମାନେ ହିଂସ୍ର ଆଚରଣ କରୁଛନ୍ତି କହି ବାରମ୍ବାର ହିନ୍ଦୁ ସମ୍ପ୍ରଦାୟକୁ ଅପମାନିତ କରି ଆସୁଛନ୍ତି । ଯାହାକି ହିନ୍ଦୁ ସମାଜକୁ ଘୋର ଆଘାତ ଦେବା ସହିତ ମାନସିକ ଯନ୍ତ୍ରଣା ଦେଇଛି । ଏଣୁ ହିନ୍ଦୁ ଧର୍ମ ଆଇନର ଧାରାରେ ଦୃଷ୍ଟାନ୍ତମୂଳକ କଠୋର ଦଣ୍ଡ ବିଧାନ କରାଯାଇ ଧର୍ମ ଓ ଦେଶର ଏକତା ଏବଂ ଅଖଣ୍ଡତା ପ୍ରତି ବିପଦ ସୃଷ୍ଟି କରିଥିବା ରାହୁଲ ଗାନ୍ଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ବ୍ରହ୍ମ ମଣ୍ଡପ ପଣ୍ଡିତ ମହାସଭା ଦାବି କରିଛି । ଦାବିପତ୍ର ପ୍ରଦାନ ସମୟରେ ସଭାପତି ରବି ନାରାୟଣ ପଣ୍ଡାଙ୍କ ସମେତ ଅନ୍ୟ ସଦସ୍ୟମାନେ ଉପସ୍ଥିତ ରହିଥିଲେ।
