ଡେସ୍କ: ଭାରତୀୟ ନୌସେନା ଏବଂ ଭାରତୀୟ ତଟରକ୍ଷୀ ବାହିନୀ ଜାହାଜ, ଆରବ ସାଗରରେ ଆକ୍ରମଣର ଶିକାର ହୋଇଥିବା ଏକ ମାଲବାହୀ ଜାହାଜ ଏମଭି କେମ ପ୍ଲୁଟୋ ଆଡକୁ ଗତି କରୁଛି। ଏହି ମାଲବାହୀ ଜାହାଜ ଉପରେ ଡ୍ରୋନ୍ ଆକ୍ରମଣ ପରେ ଅଶୋଧିତ ତୈଳ ଥିବା କଣ୍ଟେନରରେ ନିଅଁ ଲାଗି ଯାଇଥିଲା ଓ ପରେ ନିଆଁକୁ ଆୟତ୍ତ କରାଯାଇଛି। ଏହି କ୍ଷତିଗ୍ରସ୍ତ ଜାହାଜ ପୋରବନ୍ଦର ଉପକୂଳଠାରୁ ୨୧୭ ନଟିକାଲ ମାଇଲ ଦୂରରେ ରହିଛି। ଇତି ମଧ୍ୟରେ ଭାରତୀୟ ନୌସେନାର ପି-୮ଇ ସାମୁଦ୍ରିକ ନୀରିକ୍ଷଣ ବିମାନ ଗୋଆର ହାନସା ନୌସେନା ଏୟାର ବେସରୁ ବାହାରିବା ପରେ କ୍ଷତିଗ୍ରସ୍ତ ଜାହାଜ ଏମଭି କେମ ପ୍ଲୁଟୋ ସହିତ ଯୋଗାଯୋଗ ସ୍ଥାପନ କରିଛି ବୋଲି ନୌସେନା ଅଧିକାରୀମାନେ କହିଛନ୍ତି।
ସେହି ଜାହାଜ ମଧ୍ୟରେ ଥିବା ୨୦ ଜଣ ଭାରତୀୟ କ୍ରୁ ସଦସ୍ୟ ସୁରକ୍ଷିତ ଥିବା ଜଣାଯାଇଛି। ପ୍ରତିରକ୍ଷା ଅଧିକାରୀଙ୍କ ଅନୁଯାୟୀ ଏହି ଜାହାଜରେ ଅଶୋଧିତ ତୈଳ ନେଇ ସାଉଦି ଆରବର ଏକ ବନ୍ଦରରୁ ମାଙ୍ଗାଲୋର ଅଭିମୁଖେ ଯାଉଥିଲା। ନିଆଁ ଲିଭିବା ପରେ ଜାହାଜ ଅଚଳ ହୋଇ ପଡିଥିବା କୁହାଯାଇଛି।
Comments are closed.