ନୂଆପଡ଼ା :ନୂଆପଡ଼ା ଜିଲା ଜୋଙ୍କ ଥାନା ଅଞ୍ଚଳରେ ଅବାଧରେ ଚାଲିଥିଲା ଜୁଆ ଆଡ୍ଡା । ଶହ ଶହ ଜୁଆଡ଼ି ଲକ୍ଷ ଲକ୍ଷ ଟଙ୍କା ଧରି ଚାଳମୁଣ୍ଡା ଓ ଠେଲକୋବେଢାରେ ଏକତ୍ରିତ ହେଉଥିଲେ । ରାତି ସାରା ଜୁଆ ଆସର ଜମୁଥିଲା। ଜିଲା ପୁଲିସକୁ ଅନ୍ଧାରରେ ରଖି ଉଚ୍ଚପଦସ୍ଥ ଅଧିକାରୀଙ୍କ ନେତୃତ୍ବରେ ଛତିଶଗଡ଼ ସିଆର୍ପିଏଫ୍ ଓ ଦକ୍ଷିଣ ପଶ୍ଚିମାଞ୍ଚଳ ପୁଲିସ ମୁଖ୍ୟାଳୟ କୋରାପୁଟର ଡିଆଇଜିଙ୍କ ପ୍ରେରିତ ୨ ପ୍ଲାଟୁନ ଫୋର୍ସ ଚଢଉ କଲେ। ବଡ଼ଧରଣର ଜୁଆ ଗୋଷ୍ଠୀକୁ ଠାବ କରିଥିଲେ ହେଁ ସ୍ଥାନୀୟ ପୁଲିସ ସୁରାକ ବି ପାଇ ନଥିଲେ । ଏହି ସମ୍ବେଦନଶୀଳ ଓ ସ୍ପର୍ଶକାତର ମାମଲାରେ ପ୍ରାଥମିକ ଭାବେ ଜୋଙ୍କ ଥାନା ଅଧିକାରୀ ଗୁରୁଦେବ କର୍ମୀଙ୍କ ଉପରେ କାର୍ଯ୍ୟାନୁଷ୍ଠାନ ହୋଇଛି। ଥାନା ଅଧିକାରୀଙ୍କୁ ନିଲମ୍ବିତ କରିବା ସହ କୋରାପୁଟ ଡିଆଇଜି କାର୍ଯ୍ୟାଳୟରେ ହାଜର ହେବାକୁ ନିର୍ଦେଶ ଦିଆଯାଇଛି।
Comments are closed.