ସମ୍ବଲପୁର : ସମ୍ବଲପୁରରେ ଥିବା ଅବକାରୀ ଗୁଇନ୍ଦା ବିଭାଗର ଦଳ ପକ୍ଷରୁ ରବିବାର ମଧ୍ୟପ୍ରଦେଶ ରାଜ୍ୟକୁ ଚୋରାରେ ଗଞ୍ଜେଇ ଚାଲାଣ ସମୟରେ ଏକ ଗାଡିକୁ ଧରି ବିପୁଳ ଗଞ୍ଜେଇ ଜବତ କରିଛି। ଅବକାରୀ ବିଭାଗର ସୂଚନାନୁଯାୟୀ, ଖବର ପାଇ ଅଇଁଠାପାଲି ଥାନା ଅନ୍ତର୍ଗତ କାଈଁଶୀର ରୋଡରେ ଚେକିଂ ସମୟରେ ଏକ ସନ୍ଦିଗ୍ଧ ବୋଲେରୋ ପିକଅପ ଭ୍ୟାନକୁ ଅଟକାଯାଇ ଚେକିଂ କରାଯାଇଥିଲା। ଚେକିଂ ସମୟରେ ଗାଡିରେ ଲୁକ୍କାୟିତ ଭାବରେ ରଖାଯାଇଥିବା ବସ୍ତା ଗୁଡିକ ମଧ୍ୟରୁ ସମୁଦାୟ ୨ କୁଇଣ୍ଟାଲ ୧୦ କିଗ୍ରା ଗଞ୍ଜେଇ ଜବତ କରାଯାଇଥିଲା। ସୋନପୁରରୁ ମଧ୍ୟପ୍ରଦେଶର ପାଟନା (ଲଙ୍ଗାଟୋଲା) ଚୋରା ଗଞ୍ଜେଇ ଚାଲାଣ ଅଭିଯୋଗରେ ମଧ୍ୟପ୍ରଦେଶ ରାଜ୍ୟର ଅନୁପପୁର ଜିଲା ନିବାସୀ ବାଦଲ କୁମାର ମିଶ୍ର (୨୮) ଏବଂ ମୋନୁ ସୋନୱାନୀ (୨୧)ଙ୍କୁ ଧରିଥିଲା। ଏ ନେଇ ଏକ ମାମଲା ରୁଜୁ କରି ଗଞ୍ଜେଇ ଓ ଗାଡି ଜବତ କରିବା ସହିତ ଅଭିଯୁକ୍ତ ମାନଙ୍କୁ ଗିରଫ କରିଛି। ଜବତ ହୋଇଥିବା ଗଞ୍ଜେଇ ଓ ଗାଡି ଗୁଡିକର ଆନୁମାନିକ ମୂଲ୍ୟ ୩୦ ଲକ୍ଷ ଟଙ୍କାରୁ ଅଧିକ ହୋଇଥିବା ବେଳେ ଅଭିଯୁକ୍ତ ମାନଙ୍କୁ ଅଦାଲତକୁ ଚାଲାଣ କରାଯାଇଛି ବୋଲି ଅବକାରୀ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି।
Related Posts
Comments are closed.