ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ଗୋବିନ୍ଦପୁର ଠାରେ ଥିବା ଶ୍ୟାମା ଢାବା ପରିସରରୁ ରବିବାର ଜଣେ ଯୁବକଙ୍କ (୪୦) ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମୃତଦେହ ଉଦ୍ଧାର ହୋଇଛି। ଏନେଇ ଢାବା ମାଲିକ ପକ୍ଷରୁ ଗୋଳନ୍ଥରା ଥାନାରେ ଲିଖିତ ଅଭିଯୋଗ ହୋଇଛି। ଖବର ପାଇ ପୁଲିସ ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି। ମୃତ ଯୁବକଙ୍କ ପରିଚୟ ମିଳିପାରି ନାହିଁ। ମିଳିଥିବା ସୂଚନା ଅନୁଯାୟୀ, ଢାବା ପରିସରରେ ଥିବା ଏକ ଖଟରେ ଯୁବକଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହ ପଡ଼ିଥିଲା। ତାଙ୍କ ମୁଣ୍ଡ ଓ ବାମ ଆଖିରେ ମାଡ଼ ହୋଇଥିବା ସହ ଢାବା ପରିସରରେ ରକ୍ତ ଛିଟା ପଡ଼ିଥିବାରୁ ତାଙ୍କୁ କେହି ମରଣାନ୍ତକ ଆକ୍ରମଣ କରିଥିବା ସନ୍ଦେହ କରାଯାଉଛି। ମିଳିଥିବା ସୂଚନା ଅନୁଯାୟୀ ଯୁବକ ଜଣଙ୍କ ଉକ୍ତ ଢାବାରେ ଗତ ଏକ ସପ୍ତାହ ତଳେ ଦିନକ ପାଇଁ ସପ୍ଲାଇର ଭାବେ କାର୍ଯ୍ୟ କରିଥିଲେ ବୋଲି ଜଣାପଡ଼ିଛି।
Comments are closed.