ଆମେରିକାର ଫାର୍ମା କମ୍ପାନୀ ଗିଲିଆଡର ଫାର୍ମାସ୍ୟୁଟିକାଲ୍ କମ୍ପାନୀ ରିମେଡିସିଭର୍ କରୋନା ସଂକ୍ରମିତ ଗୁରୁତର ରୋଗୀଙ୍କ ପାଇଁ ବିଶେଷ ଫଳପ୍ରଦ ନୁହେଁ । ଗୁରୁତର ରୋଗୀଙ୍କ ଜୀବନ ରକ୍ଷା କ୍ଷେତ୍ରରେ ରିମେଡ଼ିସିଭର ଅସଫଳ ବୋଲି ବିଶ୍ଵ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ ଏକ ରିପୋର୍ଟରେ କୁହାଯାଇଛି । ଏହି ଔଷଧର କ୍ଲିନିକାଲ ପରୀକ୍ଷା ପରେ ବିଶ୍ଵ ସ୍ବାସ୍ଥ୍ୟ ସଙ୍ଗଠନ ଏହି ତଥ୍ୟ ପ୍ରଦାନ କରିଛି ।
କରୋନା ସଂକ୍ରମଣ ପ୍ରାଥମିକ ପର୍ଯ୍ୟାୟରେ ରିମେଡ଼ିସିଭରକୁ ବିଶ୍ଵ ସ୍ବାସ୍ଥ୍ୟ ସଙ୍ଗଠନ କରୋନା ସଂକ୍ରମିତଙ୍କ ପାଇଁ ଉପଯୋଗୀ ବୋଲି ଘୋଷଣା କରିଥିଲା । ଗତ ବର୍ଷ ମେ ମାସରେ ରେମାଡେସିଭିର ଆଣ୍ଟିଭାଇରାଲ୍ ଔଷଧ କରୋନା ରୋଗୀଙ୍କ ଉପରେ ପ୍ରଭାବଶାଳୀ ବୋଲି ପ୍ରମାଣିତ ବୋଲି ପ୍ରାରମ୍ଭିକ ଅନୁସନ୍ଧାନରୁ ଜଣାପଡିଛି ବୋଲି ଏହାର ପ୍ରସ୍ତୁତକତ୍ତା କମ୍ପାନୀ ପକ୍ଷରୁ କୁହାଯାଇଥିଲା । ଏହି ଔଷଧ କରୋନା ସଂକ୍ରମିତ ରୋଗୀଙ୍କୁ ଖୁବ୍ ଶୀଘ୍ର ଆରୋଗ୍ୟ କରିପାରିବ ବୋଲି ମଧ୍ୟ ବିଶ୍ଵ ସ୍ବାସ୍ଥ୍ୟ ସଙ୍ଗଠନ ମତ ଦେଇଥିଲା । ମାତ୍ର ଏହି ଔଷଧ ଗୁରୁତର କରୋନା ସଂକ୍ରମିତ ରୋଗୀଙ୍କ ପାଇଁ ବିଶେଷ ଉପଯୋଗୀ ହୋଇପାରିବ ନାହିଁ କିମ୍ବା ଜୀବନ ରକ୍ଷା କରିପାରିବ ନାହିଁ ବୋଲି ଏବେ ବିଶ୍ଵ ସ୍ବାସ୍ଥ୍ୟ ସଙ୍ଗଠନ ରିପୋର୍ଟରେ ପ୍ରକାଶ ପାଇଛି । ୩୦ଟି ଦେଶରୁ୧୨୬୬ ବୟସ୍କ କରୋନା ସଂକ୍ରମିତ ରୋଗୀଙ୍କ ଉପରେ ଏହି ଔଷଧ ପ୍ରୟୋଗ କରାଯାଇଥିଲା । ସେମାନଙ୍କ ଚିକିତ୍ସା ନିମନ୍ତେ ରିମେଡ଼େସିଭର ଦିଆଯାଇଥିଲା । ମାତ୍ର ଏହି ପରୀକ୍ଷାରେ ରିମେଡ଼ିସିଭିର ଉତ୍ତୀର୍ଣ ହୋଇପାରି ନାହିଁ ବୋଲି ବିଶ୍ଵ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ କୁହାଯାଇଛି ।
