କରୋନା ମହାମାରୀ ସଂକ୍ରମଣର ସମନ୍ୱିତ ମୁକାବିଲା ନିମନ୍ତେ ପ୍ରତ୍ୟେକ ଜିଲ୍ଲାରେ ଏକ କୋଭିଡ୍ ନାଇଣ୍ଟିନ୍ କମାଣ୍ଡ୍ ସେଣ୍ଟର୍ ସ୍ଥାପନ କରିବାକୁ ଟେକ୍ନୋଲୋଜି ଇନଫର୍ମେଶନ ଫୋରକାଷ୍ଟିଙ୍ଗ ଆଣ୍ଡ ଆସେସମେଣ୍ଟ କାଉନ୍ସିଲ – ଟିଫାକ ପ୍ରସ୍ତାବ ଦେଇଛି। ପ୍ରତ୍ୟେକ ଜିଲ୍ଲାରେ ଏହି କେନ୍ଦ୍ରଗୁଡ଼ିକରେ ଆବଶ୍ୟକ କର୍ମଚାରୀ ଏବଂ ଉପକରଣ ସହ ଅନ୍ୟାନ୍ୟ ଭିତ୍ତିଭୂମି ସ୍ଥାପନ କରିବାକୁ ଟିଫାକ କହିଛି। କରୋନା ସଂକ୍ରମଣର ଦ୍ୱିତୀୟ ଲହରୀ ଏବେ ଦ୍ରୁତଗତିରେ ବ୍ୟାପୁଛି ଏବଂ ପୂର୍ବ ଲହରୀ ତୁଳନାରେ ଏହା ଗ୍ରାମାଞ୍ଚଳକୁ ବ୍ୟାପୁଥିବାରୁ ଏଭଳି ପଦକ୍ଷେପର ଆବଶ୍ୟକତା ରହିଛି।
#IndiaFightsCorona:@IndiaDST institute TIFAC suggests integrated #COVID19 Command Centre
Command Centre should be established in each district, equipped with necessary infrastructure and manpower to ensure both way information flow between COVID-19 Command Centre and villages pic.twitter.com/gQiNiMyrem
— #IndiaFightsCorona (@COVIDNewsByMIB) May 19, 2021
ଟିଫାକ କହିଛି, ଦେଶର ଗ୍ରାମାଞ୍ଚଳରେ ବସବାସ କରୁଥିବା ଲୋକମାନଙ୍କୁ ସଠିକ୍ ସୂଚନା ପ୍ରଦାନ କରିବା ଏବଂ ଏହି ମହାମାରୀ ପ୍ରକୋପରୁ ରକ୍ଷା କରିବା ଉଦ୍ଦେଶ୍ୟରେ ସଂକ୍ରମଣ ହାର, ଆରୋଗ୍ୟ ହାର, ମୃତ୍ୟୁହାର, ଔଷଧ ଯୋଗାଣ, ଅକ୍ସିଜେନ୍ ଏବଂ ଶଯ୍ୟା ଉପଲବ୍ଧତା ଭଳି ସୂଚନାଗୁଡ଼ିକର ପ୍ରକୃତ ସମୟରେ ଅପ୍ଡେଟ୍ କରିବାର ଆବଶ୍ୟକତା ରହିଛି। ଏହି ସୂଚନାଗୁଡ଼ିକୁ ଏକ କେନ୍ଦ୍ରୀୟ କମାଣ୍ଡ ସେଣ୍ଟର୍ରେ ପର୍ଯ୍ୟାଲୋଚନା କରାଯାଇ ତୁରନ୍ତ ପଦକ୍ଷେପ ଗ୍ରହଣ କରାଗଲେ କରୋନା ମହାମାରୀର ବ୍ୟାପକତାକୁ ହ୍ରାସ କରାଯାଇ ପାରିବ ବୋଲି ଟିଫାକ କହିଛି।
