ଭାରତୀୟ ସୀମାରେ ଚୀନର କ୍ଷେପଣାସ୍ତ୍ର ମାଡ଼; ଭିଡ଼ିଓ ଜାରିକଲା ଗ୍ଲୋବାଲ ଟାଇମ୍ସ

ଚୀନ୍-ଭାରତ ସୀମା ବିବାଦ ଶେଷର ନାମ ନେଉନାହିଁ । ଦୁଇ ଦେଶ ମଧ୍ୟରେ ବିଭିନ୍ନ ପର୍ଯ୍ୟାୟରେ ଆଲୋଚନା ସତ୍ବେ ଚୀନ ଭାରତକୁ ଉସୁକେଇବା ପରି ପଦକ୍ଷେପ ଗ୍ରହଣ କରୁଛି । ଚୀନ ଏଲଏସି (ବାସ୍ତବିକ ନିୟନ୍ତ୍ରଣ ରେଖା) ନିକଟରେ  କ୍ଷେପଣାସ୍ତ୍ର ମାଡ଼ କରି ଭାରତ ଉପରେ ମାନସିକ ଚାପ ସୃଷ୍ଟି କରିବାକୁ ଉଦ୍ୟମ କରିଛି । ରକେଟ ଲଞ୍ଚରରୁ ଲଗାତାର ଗୁଳି ଓ କ୍ଷେପଣାସ୍ତ୍ର ମାଡ଼ରେ ଲାଦାଖର ପର୍ବତ କମ୍ପିତ ହୋଇଛି ।

WATCH: The PLA Tibet Theater Command recently held live-fire exercises in the Himalayas at an elevation of 4700m. 90% of the weapons and equipment involved had been newly commissioned. pic.twitter.com/Mud3tKmqZl

— Global Times (@globaltimesnews) October 18, 2020

ଚୀନ୍‌ର ସରକାରୀ ଖବରକାଗଜ ଗ୍ଲୋବାଲ ଟାଇମ୍ସ ଦାବି କରିଛି ଯେ ଏହି ସମରାଭ୍ୟାସ​ରେ ୯୦% ପ୍ରତିଶତ ନୂତନ ଅସ୍ତ୍ର ବ୍ୟବହାର କରାଯାଇଛି।ଗ୍ଲୋବାଲ ଟାଇମ୍ସ କହିଛି ଯେ ଏହି ଅଭ୍ୟାସ ଚୀନ ସାମରିକ ବାହିନୀର ତିବ୍ଦତ  କମାଣ୍ଡ ଦ୍ୱାରା  ୪୭୦୦ ମିଟର ଉଚ୍ଚତାରେ କରାଯାଉଛି | ଗ୍ଲୋବାଲ ଟାଇମ୍ସ ମଧ୍ୟ ଏହି ସମରାଭ୍ୟାସର ଏକ ଭିଡିଓ ପ୍ରକାଶ କରିଛି। ଏହି ଭିଡିଓରେ  ଚୀନ୍ ସେନା ଅନ୍ଧାରରେ ଏବଂ ଡ୍ରୋନ୍ ବିମାନ ସାହାଯ୍ୟରେ ଆକ୍ରମଣ କରୁଥିବା ଦେଖାଯାଉଛି ।

ଭାରତୀୟ ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଏହାକୁ ନେଇ ଉଦବେଗ ପ୍ରକାଶ କରିଛନ୍ତି । ସୀମାରେ ଏତେ ସଂଖ୍ୟକ ସେନା ଚୀନ ମୁତୟନ କରିବା ପୂର୍ବର ଦୁଇ ଚୁକ୍ତିନାମାର ବିପରୀତ ଓ ଦୁଇ ସେନା ମଧ୍ୟରେ ଉତ୍ତେଜନାସ୍ଥିତି ସୃଷ୍ଟି ହୋଇଛି ବୋଲି ବୈଦେଶିକ ମନ୍ତ୍ରୀ କହିଛନ୍ତି ।