ଦେଢ ବର୍ଷର ନାତୁଣୀକୁ ବୁଲାଉଥିବା ବେଳେ କାନାଡରେ ଭାରତୀୟ ବୃଦ୍ଧଙ୍କୁ ୧୭ଥର ଛୁରୀ ଭୁସିଲେ ଯୁବକ

ଟରୋଣ୍ଟୋ- ଭାରତରୁ କାନାଡା ନିଜ ପୁଅ ପାଖକୁ ଯାଇଥିବା ୬୬ ବର୍ଷିୟ ବ୍ୟକ୍ତିଙ୍କୁ କାନାଡର ଜଣେ ଯୁବକ ୧୭ ଥର ଛୁରି ଭୁସିଛନ୍ତି । ୬୬ ବର୍ଷିୟ ଦିଲ୍ଲୀପ କୁମାର ଧୋଲାନୀ ଗୁଜୁରାଟ ଅହମ୍ମଦାବାଦର ବାସିନ୍ଦା ।

ସେ ଟରୋଣ୍ଟୋରେ ରହୁଥିବା ପୁଅ ପାଖକୁ କିଛିଦିନ ପାଇଁ ବୁଲିବାକୁ ଯାଇଥିଲେ । ନିଜର ଦେଢ ବର୍ଷର ନାତୁଣୀକୁ ଧରି ସେ ବୁଲିବା ପାଇଁ ବାହାରିଥିଲେ । ତାଙ୍କୁ ୨୦ ବର୍ଷିୟ ନୋହା ଡେନୟର ନାମକ ଯୁବକ ଛୁରିରେ ଆକ୍ରମଣ କରିଥିଲେ । ଏହା ସତ୍ତ୍ୱେ ସେ ତାଙ୍କ ନାତୁଣୀକୁ ବଞ୍ଚାଇବା ସହ ସାହାଯ୍ୟ ପାଇଁ ଚିତ୍କାର କରିଥିଲେ ।
ପାଖ ଆଖର ଲୋକ ସେଠାକୁ ଆସି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ ।

ନୋହାଙ୍କ ନାମରେ ଆଗରୁ ଅନେକ ମାମଲା ରହିଛି । ସେ ଜଣେ ପେଷାଦାର ଅପରାଧି ବୋଲି ପୁଲିସ କହିଛି । ତେବେ କେଉଁ କାରଣରୁ ନୋହା ଏହି ବୃଦ୍ଧଙ୍କୁ ଆକ୍ରମଣ କଲା ତାହା ପୁଲିସ ଜାଣି ପାରିନାହିଁ । ଏବେ ଦିଲ୍ଲୀଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । ସେ ଗୁରୁତର ଥିବା ତାଙ୍କ ପରିବାର ଲୋକ ସୂଚନା ଦେଇଛନ୍ତି ।