ନୂଆଦିଲ୍ଳୀ : ୧୦ଟି ରାଜ୍ୟର ୪ଟି ଲୋକସଭା ଏବଂ ୧୦ଟି ବିଧାନସଭା ଆସନରେ ଆସନ୍ତାକାଲି ଉପନିର୍ବାଚନ ଅନୁଷ୍ଠିତ ହେବ। କର୍ଣ୍ଣାଟକର ରାଜରାଜେଶ୍ୱରୀ ନଗର ବିଧାନସଭା ନିର୍ବାଚନ ମଣ୍ଡଳୀରେ ମଧ୍ୟ ଆସନ୍ତାକାଲି ଭୋଟଗ୍ରହଣ କରାଯିବ । ନିରପେକ୍ଷ ଓ ଶାନ୍ତିପୂର୍ଣ୍ଣ ଭାବେ ମତଦାନ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି।
ଆସନ୍ତାକାଲି ଉତ୍ତରପ୍ରଦେଶର କାଇରାନା, ମହାରାଷ୍ଟ୍ରର ପାଲଘର ଓ ଭଣ୍ଡାରା-ଗୋଁଦିଆ ଏବଂ ନାଗାଲାଣ୍ଡର ଏକମାତ୍ର ଲୋକସଭା ଆସନରେ ଉପ ନିର୍ବାଚନ ପାଇଁ ଭୋଟ ଗ୍ରହଣ କରାଯିବ । ସେହିପରି ଉତ୍ତରପ୍ରଦେଶର ନୁର୍ପୁର, ପଞ୍ଜାବର ଶାହାକୋଟ୍, ବିହାରର ଜୋକିହାଟ୍, ଝାରଖଣ୍ଡର ଗୋମିଆ ଓ ସିଲି, କେରଳର ଚେଙ୍ଗାନୁର୍, ମହାରାଷ୍ଟ୍ରର ପାଲୁସ୍ କାଡେଗାଓଁ, ମେଘାଳୟର ଅମ୍ପାତି, ଉତ୍ତରାଖଣ୍ଡର ଥାରାଲି ଏବଂ ପଶ୍ଚିମବଙ୍ଗର ମହେଶ୍ଥଳ ବିଧାନସଭା ଆସନ ପାଇଁ କାଲି ଭୋଟଗ୍ରହଣ କରାଯିବ। ଆସନ୍ତା ଗୁରୁବାର ଏହି ସମସ୍ତ ଆସନର ଭୋଟଗ୍ରଣତି କରାଯିବ।
ସେହିପରି କର୍ଣ୍ଣାଟକର ରାଜରାଜେଶ୍ୱରୀ ନଗର ବିଧାନସଭା ନିର୍ବାଚନ ମଣ୍ଡଳୀରେ ମଧ୍ୟ ଆସନ୍ତାକାଲି ଭୋଟଗ୍ରହଣ କରାଯିବ । ଏସଏଲଭି ପାର୍କଭିଉ ଆପାର୍ଟମେଣ୍ଟର ଗୋଟିଏ ଘରୁ ୯ହଜାର ୭୪୬ଟି ଭୋଟର ପରିଚୟ ପତ୍ର ଓ ଏକ ଲକ୍ଷ ଟଙ୍କା ଆଦାୟର ରସିଦ୍ ବହି ଜବତ ହେବା ପରେ ଏହି ନିର୍ବାଚନ ମଣ୍ଡଳୀରେ ଭୋଟ୍ ଗ୍ରହଣ ତାରିଖ ଘୁଞ୍ଚାଇ ଦିଆଯାଇଥିଲା । ଆସନ୍ତା ଗୁରୁବାର ଭୋଟଗ୍ରଣତି କରାଯାଇ ଫଳାଫଳ ଘୋଷଣା କରାଯିବ।