ମୁମ୍ବାଇ: ଜମିଥିବା ବର୍ଷା ପାଣିରେ ଦୁଇଟି ଛୋଟ ପିଲା ବୁଡିଯାଉଥିବା ଦେଖି ତାଙ୍କୁ ବଞ୍ଚାଇବାକୁ ଚେଷ୍ଟା କରୁଥିବା ବେଳେ ସ୍ରୋତରେ ପଡିଯାଇ ବୁଡି ଯିବାରୁ ଜଣେ ବସ୍ ଡ୍ରାଇଭର୍ ମୃତ୍ୟୁ ବରଣ କରିଛନ୍ତି । ମାତ୍ର ତାଙ୍କରି ଚେଷ୍ଟା ଯୋଗୁଁ ୨ଟି ନୀରିହ ଜୀବନ ବଞ୍ଚି ଯାଇଛି ।
ପ୍ରକାଶ ବଲୁ ପାଟିଲ୍ ନାମକ ବ୍ୟକ୍ତି ଏକ ସ୍କୁଲ ବସ୍ ଚଳାନ୍ତି । ସେ ବିରାର ସ୍କୁଲର ବସ୍କୁ ପ୍ରତିଦିନ ଚଳାଇ ଥାଆନ୍ତି । ମଙ୍ଗଳବାରରେ ସେ ସ୍କୁଲ ପିଲମାନଙ୍କୁ ନେଇ ଯାଉଥିଲେ । ଏତିକି ବେଳେ ପ୍ରବଳ ବର୍ଷା ଯୋଗୁଁ ପାଣି ଜମିଥିବାରୁ ଏକ ନାଳରେ ବସ୍ଟି ଫସି ଯାଇଥିଲା। ୨ ଜଣ ପିଲା ବସ୍ରୁ ଓହ୍ଲାଇ ବର୍ଷା ପାଣିରେ ଖେଳିବାରେ ଲାଗିଥିଲେ । ମାତ୍ର ହଠାତ୍ ପ୍ରଖର ସୋତ୍ରରେ ସେମାନ ଭାସିଯିବାକୁ ଲାଗିଥିଲେ । ମାତ୍ର ବସ୍ ଡ୍ରାଇଭର୍ ଏହା ଦେଖିବା ମାତ୍ରେ ବସ୍ରୁ ଡେଇଁ ପଡିବା ସହ ସେମାନଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ। ସେ ପିଲା ଦୁହିଁକୁ ବଞ୍ଚାଇବାରେ ସଫଳ ହେବାପରେ ପ୍ରଖର ସୋତ୍ରରେ ନିଜର ଭାରସାମ୍ୟ ହରାଇବା ସହ ପଡିଯାଇଥିଲେ । ଏଥିଯୋଗୁଁ ସେ ଭାସି ଯାଇଥିଲେ । ପରେ ତାଙ୍କର ପତ୍ତା ମିଳି ନ ଥିଲା । ଅଗ୍ନିଶମ ବିଭାଗର କର୍ମଚାରୀମାନେ ତାଙ୍କ ମୃତଶରୀର ଉଦ୍ଧାର କରିଥିଲେ । ତାଙ୍କର ତିନୋଟି ପିଲା ଓ ପତ୍ନୀ ଅଛନ୍ତି । ମାତ୍ର ୨ଟି ନିରୀହ ଜୀବନ ବଞ୍ଚାଇବା ପାଇଁ ତାଙ୍କର ନିଜ ଜୀବନ ଚାଲିଯାଇଛି ।