ମାନସିକ ଅନଗ୍ରସର ବ୍ୟକ୍ତିଙ୍କ ସଠିକ ନିଦାନ ପାଇଁ ଉପଯୁକ୍ତ ବ୍ୟବସ୍ଥା କରାଯିବ

ଜିଲା ସ୍ତରୀୟ ମାନସିକ ସ୍ବାସ୍ଥ୍ୟ ସମ୍ବନ୍ଧିୟ କର୍ମଶାଳା

ବୌଦ୍ଧ : ୱାଇସିଡିଏ ଓ ବେସିକ ନିଡସ ଇଣ୍ଡିଆ, ବାଙ୍ଗାଲୋରର ମିଳିତ ସହଯୋଗରେ ମାନସିକ ସ୍ବାସ୍ଥ୍ୟ ପାଇଁ ଏକ ଜିଲାସ୍ତରୀୟ କର୍ମଶାଳା ଅନୁଷ୍ଠିତ ହୋଇଯାଇଅଛି। ବିଏନଆଇ ରାଜ୍ୟ ମୁଖ୍ୟ ରାଜୀବ କର୍ମୀ, ୱାଇସିଡିଏ ନିର୍ଦେଶକ ଅରୁଣ ପ୍ରଧାନ ପ୍ରମୁଖ ଜିଲାରେ ମାନସିକ ସ୍ବାସ୍ଥ୍ୟ କାର୍ଯ୍ୟକ୍ରମର ସ୍ଥିତି ବିଷୟରେ ଆଲୋଚନା କରିଥିଲେ। ଏହାପରେ ସଂଯୋଜକ ଗିରିଶ ମେହେର ବିଗତ ଦୁଇ ବର୍ଷ ଧରି ହରଭଙ୍ଗା ବ୍ଲକରେ ଚାଲିଥିବା କାର୍ଯ୍ୟକ୍ରମ ବିଷୟରେ ବିବରଣୀ ରଖିଥିଲେ।

ଏହାପରେ ବିଭିନ୍ନ ପଞ୍ଚାୟତରୁ ଆସିଥିବା ମାନସିକ ବ୍ୟକ୍ତି ଓ ତାଙ୍କ ପରିବାର ସଦସ୍ୟ ଚିକିତ୍ସା କ୍ଷେତ୍ରରେ ହେଉଥିବା ଅସୁବିଧା ବିଷୟରେ କହିଥିଲେ। ସମସ୍ତ ସ୍ବାସ୍ଥ୍ୟ ଅଧିକାରୀ ଆଗାମୀ ଦିନରେ କିପରି ଏହି ସମସ୍ୟା ଗୁଡ଼ିକ ସମାଧାନ କରାଯାଇପାରିବ ଓ ବୌଦ୍ଧ ଜିଲାକୁ ମାନସିକ ସ୍ବାସ୍ଥ୍ୟ କ୍ଷେତ୍ରରେ ଏକ ମଡେଲ ଜିଲା କରାଯାଇ ପାରିବ ସେଥିପାଇଁ ମତାମତ ରଖିଥିଲେ। ଏହି କାର୍ଯ୍ୟକ୍ରମରେ ଜିଲାର ଅନେକ ଜିଲାସ୍ତରୀୟ ଅଧିକାରୀଙ୍କ ସମେତ ମାନସିକ ବ୍ୟକ୍ତି ଓ ତାଙ୍କ ପରିବାର ସଦସ୍ୟ ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମ ପରିଚାଳନାରେ ୱାଇସିଡିଏର ସମସ୍ତ ସଦସ୍ୟ ସହଯୋଗ କରିଥିଲେ।

Comments are closed.