ବୋମା ମିଳିବା ଘଟଣାରେ ଏସ୍ପିଙ୍କ ସୂଚନା : ଜଣେ ଅଟକ, ଖୁବ୍ ଶୀଘ୍ର ଧରାଯିବେ ୩ ଫେରାର୍ ଯୁବକ
ବ୍ରହ୍ମପୁର : ନିର୍ମାଣାଧୀନ କୋଠାରୁ ବୋମା ଭର୍ତ୍ତି ବ୍ୟାଗ୍ ମିଳିବା ଘଟଣା। ଜଣେ ଯୁବକଙ୍କୁ ଅଟକ ରଖାଯାଇଛି। ବୈଦ୍ୟନାଥପୁର ଥାନା ପୁଲିସ୍ ପକ୍ଷରୁ ପାଟ୍ରୋଲିଂ ଚାଲିଥିଲା। ପାଟ୍ରୋଲିଂ ଗାଡି ଦେଖି ୪ ଜଣ ଦୁର୍ବୃତ୍ତ ଦୌଡି ପଳାଇଥିଲେ। ସର୍ଚ୍ଚ ଅପରେସନ ବେଳେ ଘର ଭିତରୁ ୭ଟି ବୋମା ମିଳିଥିଲା। ଜଣେ ଯୁବକଙ୍କୁ ଚିହ୍ନଟ କରାଯାଇ ଅଟକ ରଖାଯାଇଛି। ଫେରାର୍ ଥିବା ଆଉ ୩ ଯୁବକଙ୍କୁ ଖୁବ୍ ଶୀଘ୍ର ଧରାଯିବା ନେଇ ଏସପି ସୂଚନା ଦେଇଛନ୍ତି। ସୂଚନା ଅନୁସାରେ ଗଞ୍ଜାମ ଜିଲାର ଖଜୁରିଆ ନିକଟ ଏକ ନିର୍ମାଣାଧୀନ କୋଠାରୁ ପୁଲିସ ବୋମା ଭର୍ତ୍ତି ବ୍ୟାଗ ଜବତ କରିଥିଲା । ୧୬ ନମ୍ବର ଜାତୀୟ ରାଜପଥ ପାର୍ଶ୍ବସ୍ଥ ଖଜୁରିଆର ଏହି କୋଠାରେ ଦୁର୍ବୃତ୍ତମାନେ ଉକ୍ତ ବ୍ୟାଗଟିକୁ ଛାଡ଼ି ପଳାଇଥିଲେ। ବ୍ୟାଗରୁ ୩୦ରୁ ଅଧିକ ବୋମାକୁ ପୁଲିସ ଜବତ କରିଛି।
Comments are closed.