ତିଗିରିଆ : ତିଗିରିଆ ବ୍ଲକ ଗଦାଧରପୁର ପଞ୍ଚାୟତ ହରିଶରଣପୁର ପ୍ରାଥମିକ ବିଦ୍ୟାଳୟର ଉନ୍ନତି ନିମନ୍ତେ ପାଣ୍ଠି ଯୋଗାଡ ପାଇଁ ବିଦ୍ୟାଳୟ ତରଫରୁ ମୋ ସ୍କୁଲ ଅଭିଯାନରେ ବିଦ୍ୟାଳୟର ପୁରାତନ ଛାତ୍ରଛାତ୍ରୀମାନଙ୍କୁ ସାମିଲ କରିବା ସହିତ ବିଦ୍ୟାଳୟ କିପରି ସରସ ସୁନ୍ଦର ହୋଇପାରିବ ସେଥି ଲାଗି ଏକ ସଚେତନତା କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ମୋ ସ୍କୁଲ ପରିଚାଳନା କମିଟି ତରଫରୁ ପ୍ରଧାନଶିକ୍ଷକ ବିଶ୍ଵମ୍ବର ସାହୁଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା। ପରେ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ ଓ ପରିଚାଳନା କମିଟି ସଦସ୍ୟମାନଙ୍କୁ ନେଇ ଏକ ସଚେତନତା ଶୋଭାଯାତ୍ରା ଗ୍ରାମ ପରିକ୍ରମା କରିଥିଲା।
ଏଥିରେ ମୋ ସ୍କୁଲ ଅଭିଯାନର ପୁରାତନ ବିଦ୍ୟାର୍ଥୀ କମିଟି ସଭାପତି ସତ୍ୟବାଦୀ ଖଟୁଆ, ଉପସଭାପତି ନବ କିଶୋର ବସ୍ତି, ପୁରାତନ ବିଦ୍ୟାର୍ଥୀ କମିଟି ସଦସ୍ୟା ମନୋରମା ପ୍ରଧାନ, ସଦସ୍ୟ ଶାନ୍ତନୁ କୁମାର ଖଟୁଆ, ପୁରାତନ ଛାତ୍ର ସତ୍ୟବ୍ରତ ରାଉତ, ପୁରାତନ ଛାତ୍ରୀ ପଙ୍କଜିନୀ ମାଝୀ ,ବିଦ୍ୟାଳୟ ପରିଚାଳନା କମିଟି ସଦସ୍ୟ ବିଜୟ କୁମାର ରାଉତ, କୃଷ୍ଣଚନ୍ଦ୍ର ପ୍ରଧାନ, ଶିକ୍ଷକ ବିଦ୍ୟାଧର ରାଉତ ପ୍ରମୁଖ ଯୋଗ ଦେଇଥିଲେ।
Comments are closed.