ଭବାନୀପାଟଣା: ଆଜି ଅପରାହ୍ନ ରେ କୋକସରା ଥାନା ଅନ୍ତର୍ଗତ ବେହେରା – ଖପରାମାଲ ରାସ୍ତାରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଦୁଇଜଣଙ୍କ ମୃତ୍ୟୁ ହୋଇଥିବାବେଳେ ଏଥିରେ ଦୁଇଜଣ ଆହତ ହେଇଛନ୍ତି। ଆହତମାନଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
ସୂଚନା ଅନୁଯାୟୀ ମୁଷାପାଲି ଗାଁ ର ଜିତେନ୍ଦ୍ର ଦୁର୍ଗା (୨୪) ଏବଂ ଜିତେନ୍ଦ୍ର ସାଗର (୨୩) ବେହେରା ସାପ୍ତାହିକ ବଜାରରୁ ନିଜ ଗାଁକୁ ଫେରୁଥିଲେ। ସେହିଭଳି ଡ଼ହଗାଁର ପବିତ୍ର ବାଗ (୪୦) ଏବଂ ନୂଆଗୁଡା ଗାଁ ର ଗୁପ୍ତେଶ୍ଵର ବାଗ (୩୫) ଏକ ବାଇକରେ ବେହେରା ସାପ୍ତାହିକ ବଜାରକୁ ଯାଉଥିଲେ। ଖପରାମାଲ ରାସ୍ତାରେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବାପରେ ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ଆମ୍ବୁଲାନ୍ସରେ ପର୍ଲା ଡାକ୍ତରଖାନାକୁ ପଠାଇ ଥିଲେ। ସେଠାରେ ପବିତ୍ର ବାଗ ଏବଂ ଜିତେନ୍ଦ୍ର ଦୁର୍ଗାଙ୍କୁ ଡାକ୍ତର ମୃତ ଘୋଷଣା କରିଥିଲେ।
ଅନ୍ୟ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ପ୍ରଥମେ ଧର୍ମଗଡ ଏବଂ ପରେ ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତର କରା ଯାଇଛି। କୋକସରା ପୁଲିସ ଘଟଣାସ୍ଥଳରେ ପହଞ୍ଚି ବାଇକ ଜବତ କରି ଘଟଣାର ତଦନ୍ତ କରୁଛି । ମୃତକଙ୍କ ଶବ ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନାରେ ରଖା ଯାଇଥିବା ପୋଲିସ ସୂତ୍ରରୁ ପ୍ରକାଶ ପାଇଛି।
Comments are closed.