କଳାପଥର(ବାଙ୍କୀ) : ବୈଦ୍ୟେଶ୍ୱର ଥାନା ଅନ୍ତର୍ଗତ କଢାମଲ୍ଲ ଗ୍ରାମରେ ଜଣେ ମହିଳା ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି। ଖବରଅନୁସାରେ ସୋମବାର ରାତ୍ରିରେ କଢାମଲ୍ଲ ଗ୍ରାମର ଜଣେ ନବ ବିବାହିତ ମହିଳା କରଜ ସୁଝି ନପାରିବାରୁ ବେକରେ ଦୌଡି ଦେଇ ଆତ୍ମହତ୍ୟା କରିଛନ୍ତି । ମୃତ ମହିଳା ଜଣଙ୍କ ବିଭିନ୍ନ ଲୋକଙ୍କ ଠାରୁ ଲକ୍ଷ ଲକ୍ଷ ଟଙ୍କା ଧାର ସୁତ୍ରରେ ନେଇ ସୁଝି ନପାରିବାରୁ ଆତ୍ମହତ୍ୟା କରିଥିବା ପୁଲିସ୍ ସୁତ୍ରରୁ ଜଣାପଡିଛି। ମହିଳାଙ୍କ ନାମ ସୁମା ରାଉତ(୪୮) ସ୍ୱାମି ନାରାୟଣ ରାଉତ । ସେ ବିଭିନ୍ନ ଲୋକଙ୍କଠାରୁ ଓ କେତେକ ମହିଳା ସ୍ୱୟଂ ସହାୟକ ସଂଘରୁ ଲକ୍ଷ ଲକ୍ଷ ଟଙ୍କା କରଜ ସୁତ୍ରରେ ଆଣିଥିଲା। ଏହି ଟଙ୍କା ଆଣିବାପରେ ସେ ଫେରସ୍ତ କରୁନଥିଲା। ଯେଉଁ ମାନଙ୍କ ଠାରୁ କରଜ ଅଣିଥିଲେ ସେମାନେ ବାରମ୍ବାର ମାଗିବା ଫଳରେ ସୁମା ରାଉତ ବେକରେ ଦୌଡି ଦେଇ ନିଜ ଘର ବାରିପଟ ଆମ୍ବ ଗଛରେ ଗତ ରାତ୍ରିରେ ଆତ୍ମହତ୍ୟା କରିଥିବା ଜଣାପଡିଛି। ଏ ସମ୍ପର୍କରେ ବୈଦ୍ୟେଶ୍ୱର ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ମଙ୍ଗଳବାର ଅପରାହ୍ନରେ ବାଙ୍କୀ ଡାକ୍ତରଖାନାରେ ଶବ ବ୍ୟବଛେଦ କରାଯାଇ ପରିବାରକୁ ହସ୍ତାନ୍ତର କରାଯାଇଛି।
