କଟକ: କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ସୋମବାର ବିଜୁ ଜନତା ଦଳରୁ ଇସ୍ତଫା ପ୍ରଦାନ କରିଛନ୍ତି । ନିଜର ତିନି ପୃଷ୍ଠା ବିଶିଷ୍ଟ ଇସ୍ତଫା ପତ୍ର ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ନିକଟକୁ ପଠାଇଛନ୍ତି । ଦଳ ବିରୋଧୀ କାର୍ୟ୍ୟ ଯୋଗୁଁ ତାଙ୍କୁ ଚଳିତ ବର୍ଷ ଜାନୁୟାରୀ ୨୪ରେ ଦଳରୁ ନିଲମ୍ବିତ କରାଯାଇଥିଲା।
ଦୀର୍ଘ ଦିନ ଧରି ତାଙ୍କୁ ଅବହେଳା କରାଯିବା ସମ୍ପର୍କରେ ସେ ଦଳ ସୁପ୍ରିମୋଙ୍କୁ ଇସ୍ତଫା ପତ୍ରରେ ଜଣାଇଛନ୍ତି। ତାଙ୍କ ବାପା ସ୍ବର୍ଗତ ବଂଶୀଧର ପଣ୍ଡାଙ୍କ ଶେଷଦର୍ଶନ ପାଇଁ ବିଜେଡି ମୁଖ୍ୟ କିମ୍ବା ଦଳର କୌଣସି ନେତା ନ ଆସିବା ତାଙ୍କୁ ଇସ୍ତଫା ଦେବାକୁ ବାଧ୍ୟ କରିଛି ବୋଲି ସେ ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି।