ଗୁରୁଡିଝାଟିଆ : ଆଠଗଡ ବିଜେପି ପକ୍ଷରୁ ଖୁଣ୍ଟୁଣୀ ମଣ୍ଡଳରେ ‘ମୋ ମାଟି ମୋ ଦେଶ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଦେଶ ଜାତି ପାଇଁ ପ୍ରାଣବଳୀ ଦେଇଥିବା ବୀର ଶହୀଦ ଓ ସ୍ୱାଧିନତା ସଂଗ୍ରାମୀମାନଙ୍କ ଘରକୁ ଯାଇ ବିଜେପିର କର୍ମକର୍ତ୍ତାମାନେ ସେମାନଙ୍କ ତ୍ୟାଗ, ତୀତିକ୍ଷା, ଆତ୍ମଉତ୍ସର୍ଗ ଭାବ ନିମନ୍ତେ ପରିବାର ସଦସ୍ୟଙ୍କ ନିକଟରେ ମଥାନତ କରି ସେମାନଙ୍କ ଘର ଅଗଣାରୁ ମାଟି ସଂଗ୍ରହ କରିଥିଲେ । ଗୁରୁଡିଝାଟିଆ ପଞ୍ଚାୟତ ପିଠାଖିଆ ଗ୍ରାମର ଶହୀଦ ପ୍ରଦୀପ୍ତ ସାମଲ, ଗୁରୁଡିଝାଟିଆ ଗ୍ରାମର ସ୍ୱାଧୀନତା ସଂଗ୍ରାମୀ ଗୋପାଳଚନ୍ଦ୍ର ସାହାଣୀ, କୋଳଥପଙ୍ଗି ଗ୍ରାମର ଶହୀଦ ଦିବାକର ସ୍ୱାଇଁ, ରାଧାକିଶୋରପୁର ପଞ୍ଚାୟତ ଅନ୍ତର୍ଗତ ରାଧାଦାମୋଦରପୁର ଗ୍ରାମର ସ୍ୱାଧୀନତା ସଂଗ୍ରାମୀ ଗୋବିନ୍ଦ ଚନ୍ଦ୍ର ମିଶ୍ର ପ୍ରମୁଖଙ୍କ ଜନ୍ମମାଟିରୁ ମାଟି ସଂଗ୍ରହ କରାଯାଇ ଦିଲ୍ଲୀ ଠାରେ ନିର୍ମିତ କରାଯାଉଥିବା ଅମୃତବାଟିକାକୁ ପ୍ରେରଣ କରାଯିବ। ସ୍ୱାଧୀନତାର ଅମୃତ ମହୋତ୍ସବ ସମାପନ ଉଦ୍ଦେଶ୍ୟରେ ଆୟୋଜିତ ଏହି ଦେଶାତ୍ମବୋଧକ କାର୍ଯ୍ୟକ୍ରମ ବରିଷ୍ଠ ବିଜେପି ନେତା ବ୍ରଜେନ୍ଦ୍ର ରାୟଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ଖୁଣ୍ଟୁଣୀ ବିଜେପି ମଣ୍ଡଳ ସଭାପତି ଉମେଶ ଚନ୍ଦ୍ର ସାମଲଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲା ସାଧାରଣ ସଂପାଦକ ରାମ ନାରାୟଣ ମହାନ୍ତି, ମଣ୍ଡଳ ସାଧାରଣ ସଂପାଦକ ସୁବାସ ମହାନ୍ତି, କୁମରମଣି ଷଣ୍ଢ, ଯୋଗେନ୍ଦ୍ର ସ୍ୱାଇଁ, ନିରଞ୍ଜନ ନାୟକ, ସୁକାନ୍ତ ଜେନା, ହେମନ୍ତ ମହାନ୍ତି, ଅନ୍ତର୍ଯ୍ୟାମୀ ବେହେରା, ରମାକାନ୍ତ ସେନାପତି, ତପନ ଲେଙ୍କା, ହେମ ମଞ୍ଜରୀ ଭଞ୍ଜଦେଓ, ରଞ୍ଜନ ସେନାପତି, ବଳରାମ ରାଉତ,ମିଥୁନ ମଲ୍ଲିକ, ଲକ୍ଷ୍ମୀଧର ନାୟକ ଓ ସିପନ ସ୍ୱାଇଁ ପ୍ରମୁଖ ଦଳୀୟ କର୍ମୀମାନେ ଯୋଗଦେଇଥିଲେ।
Comments are closed.