ମୁମ୍ବଇ: କରୋନା ଭୂତାଣୁ ଏବଂ ଲକଡାଉନକୁ ଦୃଷ୍ଟିରେ ରଖି ବଲିଉଡ ଅଭିନେତା ଅଜୟ ଦେବଗନ ୟୁଟ୍ୟୁବରେ ଏକ ନୂଆ ଗୀତ ରିଲିଜ୍ କରିଛନ୍ତି। ଏହି ଗୀତର ଟାଇଟଲ ରହିଛି ‘ଠେହେର୍ ଯା’। ଏହି ଗୀତ ସାହାଯ୍ୟରେ ଅଜୟ ଦେଶବାସୀଙ୍କୁ ଏହି ଲକଡାଉନ୍ ସମୟକୁ ଉପଭୋଗ କରିବାକୁ କହିଛନ୍ତି। ବ୍ୟସ୍ତ ବହୁଳ ଜୀବନ ମଧ୍ୟରେ ନିଜ ଲୋକଙ୍କୁ କିଛି ସମୟ ଦେଇ ଜୀବନର ଛୋଟ ଛୋଟ ଖୁସିକୁ ଅନୁଭବ କରିବାକୁ ଏହି ଗୀତରେ କୁହାଯାଇଛି। ଏହାସହିତ ଲୋକଙ୍କୁ ସଚେତନ କରାଇବା ପୂର୍ବକ ଘରେ ରହିଲେ ସୁରକ୍ଷିତ ରହିବା ବୋଲି ମଧ୍ୟ ଗୀତ ମାଧ୍ୟମରେ ସନ୍ଦେଶ ଦିଆଯାଇଛି।
ଗୀତକୁ ଅନିଲ ର୍ବର୍ମା ଲେଖିଥିଲା ବେଳେ ମେହୁଲ ବ୍ୟାସ ଏଥିରେ କଣ୍ଠଦାନ କରିଛନ୍ତି। ଅଜୟ ଦେବଗନ୍ ନିଜେ ଏହାର ପ୍ରଯୋଜନା ଭାର ବହନ କରିଛନ୍ତି। ଗୀତଟି ଅଜୟଙ୍କ ଘର ଓ ବଗିଚାରେ ଶୁଟିଂ ହୋଇଛି। ଅଜୟଙ୍କ ଏହି ଗୀତକୁ ଦର୍ଶକ ମଧ୍ୟ ପସନ୍ଦ କରିଛନ୍ତି। ଖୁବ୍ କମ୍ ସମୟ ମଧ୍ୟରେ ଏହାକୁ ବହୁ ସଂଖ୍ୟକ ଲୋକେ ଦେଖି ସାରିଲେଣି।
Comments are closed.