ସମାଜ ଡିଜିଟାଲ ଡେସ୍କ: ନାନା ପାଟେକର ଓ ଉତ୍କର୍ଷ ଶର୍ମା ଅଭିନୀତ ଚଳଚ୍ଚିତ୍ର ‘ବନବାସ’ର ଟ୍ରେଲର ସୋମବାର ରିଲିଜ୍ ହୋଇଛି। ଏଥିରେ ନାନା ପାଟେକରଙ୍କ ଚରିତ୍ର ତାଙ୍କ ପରିବାର ସହ ବନାରସ ଆସୁଛି। ତାଙ୍କ ପରିବାର ତାଙ୍କୁ ସେଠାରେ ଏକୁଟିଆ ଛାଡ଼ି ଯାଉଛନ୍ତି। ଏଠାରେ ସେ ଉତ୍କର୍ଷଙ୍କ ଚରିତ୍ରକୁ ଭେଟୁଛନ୍ତି ଏବଂ ଉଭୟଙ୍କ ମଧ୍ୟରେ ଏକ ଭିନ୍ନ ସମ୍ପର୍କ ଗଢି ଉଠୁଛି। ଶେଷରେ ଉତ୍କର୍ଷଙ୍କ ଚରିତ୍ର ପ୍ରତିଶ୍ରୁତି ଦେଉଛି ଯେ ସେ ତାଙ୍କୁ ତାଙ୍କ ପିଲାମାନଙ୍କ ସହ ଭେଟ କରାଇଦେବ। କିନ୍ତୁ ଆଗକୁ ଏମିତି କିଛି ଘଟୁଛି କି, ନାନାଙ୍କ ଚରିତ୍ର ନିଜର ପିଣ୍ଡଦାନ କରୁଛି। ଟ୍ରେଲରରେ ଚଳଚ୍ଚିତ୍ର କାହାଣୀର ଯେଉଁ ଝଲକ୍ ଦେଖିବାକୁ ମିଳିଛି, ସେଥିରୁ ଜଣାପଡ଼ୁଛି ଯେ ଏହା ଏକ ଭାବପ୍ରବଣ କରିବା ଭଳି କାହାଣୀ। ଅନୀଲ ଶର୍ମାଙ୍କ ଦ୍ଵାରା ଲିଖିତ, ନିର୍ଦେଶିତ ଏବଂ ପ୍ରଯୋଜିତ ଏହି ଚଳଚ୍ଚିତ୍ର ଡିସେମ୍ବର ୨୦ରେ ମୁକ୍ତିଲାଭ କରିବ।
Comments are closed.