ସମାଜ ଡିଜିଟାଲ ଡେସ୍କ: ସହକର୍ମୀଙ୍କୁ ପ୍ରତାରଣା କରିବା ଅଭିଯୋଗରେ ନୟାପଲ୍ଲୀ ଥାନା ପୁଲିସ ଜଣେ ଆସିଷ୍ଟାଣ୍ଟ ସେକ୍ସନ ଅଫିସର(ଏଏସଓ)ଙ୍କୁ ଗିରଫ କରିଛି। ଅଭିଯୁକ୍ତ ହେଲେ ବଳରାମ ଟୁଡୁ। ବଳରାମଙ୍କ ଘର ମୟୂରଭଞ୍ଜ ଜିଲାରେ।
ବଳରାମ ଏବଂ ତାଙ୍କର ଜଣେ ସହକର୍ମୀଙ୍କ ମଧ୍ୟରେ ପ୍ରେମ ସମ୍ପର୍କ ରହିଥିଲା। ବିବାହ ପ୍ରତିଶ୍ରୁତି ଦେଇ ବଳରାମ ତାଙ୍କ ସହିତ ଶାରିରୀକ ସମ୍ପର୍କ ରଖିଥିଲେ। ଯୁବତୀ ଜଣକ ଗର୍ଭବତୀ ହେବା ପରେ ବିବାହ କରିବାକୁ ଜିଦ କରିଥିଲେ। କିନ୍ତୁ ବଳରାମ ତାଙ୍କଠାରୁ ଦୂରେଇ ରହିଥିଲେ। ଏ ନେଇ ପୀଡ଼ିତା ନୟାପଲ୍ଲୀ ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ତାଙ୍କୁ ଗିରଫ କରିଛି।
