ନୂଆଦିଲ୍ଲୀ : ଆଗୁସ୍ତା ୱେଷ୍ଟଲାଣ୍ଡ ହେଲିକପ୍ଟର ଟେଣ୍ଡର ଦୁର୍ନୀତିକୁ ନେଇ ଗିରଫ ହୋଇଥିବା ବାୟୁସେନାର ପୂର୍ବତନ ମୁଖ୍ୟ ଏସ୍.ପି. ତ୍ୟାଗୀ ଏବଂ ତାଙ୍କର ୨ ଜଣ ସମ୍ପର୍କୀୟ ଭାଇ ରାଜୀବ ଓ ସଞ୍ଜିବ ତ୍ୟାଗୀଙ୍କୁ ଦିଲ୍ଲୀର ପଟିଆଲା ହାଉସକୋର୍ଟ ବୁଧବାର ଜାମିନ ପ୍ରଦାନ କରିଛନ୍ତି। କାର୍ଲୋ ଗେରୋସା ଏବଂ ଜି.ଆର୍. ହେଶକେଙ୍କ ସମେତ ଅନ୍ୟ ବହୁ ଅଭିଯୁକ୍ତ ଶୁଣାଣି ବେଳେ କୋର୍ଟରେ ହାଜର ହୋଇ ନ ଥିଲେ। କୋର୍ଟ ସେମାନଙ୍କୁ ଜାମିନ ମଞ୍ଜୁର କରିନାହାନ୍ତି। ୩,୬୦୦ କୋଟି ଟଙ୍କାର ଅଗଷ୍ଟା ୱେଷ୍ଟଲାଣ୍ଡ ଭିଭିଆଇପି ହେଲିକପ୍ଟର କାରବାର ମାମଲାରେ ପ୍ରବର୍ତ୍ତନ ନିର୍ଦେଶାଳୟ ଜୁଲାଇରେ ତ୍ୟାଗୀ ଭ୍ରାତା, ଭାରତୀୟ ଓ ବିଦେଶୀ କମ୍ପାନୀର କେତେକ ଅଧିକାରୀଙ୍କ ସମେତ ବହୁ ଲୋକଙ୍କ ବିରୋଧରେ ଅଭିଯୋଗଫର୍ଦ ଦାଖଲ କରିଥିଲା। ଏକାଧିକ ବିଦେଶୀ କମ୍ପାନୀ ସହାୟତାରେ ବ୍ୟାପକ ବେଆଇନ ଅର୍ଥ କାରବାର ହୋଇଥିବା ଅଭିଯୋଗଫର୍ଦରେ ଦର୍ଶାଯାଇଥିଲା।
Popular Categories
Previous article
Next article