ଧର୍ମଗଡ : କଳାହାଣ୍ଡି ଜିଲା ଧର୍ମଗଡ ସ୍ଥିତ ପାରଦେଶ୍ୱର ମନ୍ଦିର ସାମ୍ନାରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ବାଇକ ଚାଳକଙ୍କ ମୃତ୍ୟୁ ଘଟିଥିବା ଜଣାପଡିଛି। ମୃତକଙ୍କ ନାମ ବିନ ବିହାରୀ ଓ ତାଙ୍କ ଘର ଧର୍ମଗଡ ଥାନା ଅନ୍ତର୍ଗତ ଗୋଡଭଞ୍ଜା ବୋଲି ଜଣାପଡିଛି।
ସୁଚନା ଅନୁସାରେ, ମୃତକ ଦିନ ବଂଧୁ ବିହାରୀ ତାଙ୍କ ଶ୍ୱଶୁର ଘର ଗାଁ କୁଣ୍ଡାମାଲରୁ ନିଜ ଓଆର ୦୮ଏଫ ୫୦୧୯ ନମ୍ବରବିଶିଷ୍ଟ ବାଇକ ଯୋଗେ ଗୋଡଭଂଜାକୁ ଫେରୁଥିଲେ। ଧର୍ମଗଡ ସ୍ଥିତ ପାରଦେଶ୍ୱର ମନ୍ଦିର ସାମ୍ନାରେ ଆଉ ଏକ ବାଇକ୍ ସିଜି୦୪ ଡିଏଲ ୯୧୪୫ ନମ୍ବର ସହ ମୁହାଁମୁହିଁ ଧକ୍କା ହେବା ଫଳରେ ଉଭୟେ ଛିଟକି ପଡିଥିଲେ। ଏହି ସମୟରେ ଧର୍ମଗଡ ପଟୁ ଆସୁଥିବା ଏକ ଟାଟା ଏସି ଗାଡି( ଓଆର ୦୮ ଜି ୩୯୬୪ ) ଦିନ ବଂଧୁଙ୍କୁ ମାଡି ଯାଇଥିଲା। ଫଳରେ ଘଟଣାସ୍ଥଳରେ ଦିନଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ବାଇକ୍ ଚାଳକ ଗୁରୁତର ଅବସ୍ଥାରେ ଭବାନିପାଟଣା ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡିଛି। ଦୁର୍ଘଟଣା ଘଟାଇଥିବା ଟାଟା ଏସି ଗାଡି ସହିିତ ଦୁଇଟି ବାଇକକୁ ଜବତ କରି ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଆଇଆଇସି ଡମ୍ବୁ ପରଜା ପ୍ରକାଶ କରିଛନ୍ତି। ଟାଟା ଏସି ଗାଡି ଚାଳକ ଫେରାର ରହିଛି।