ୱେବ୍‌ସାଇଟ୍‌ରେ ମାଟ୍ରିକ ପ୍ରବେଶିକା ପତ୍ର

କଟକ: ଓଡ଼ିଶା ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ଚଳିତବର୍ଷ ମାଟ୍ରିକ ପରୀକ୍ଷା ନିମନ୍ତେ ପ୍ରବେଶିକା ପତ୍ର(ଆଡମିଟ କାର୍ଡ)ୱେବ୍‌ସାଇଟ୍‌ରେ ଉପଲବ୍ଧ ହୋଇଛି । ଫର୍ମପୂରଣ କରିଥିବା ଦଶମ ଶ୍ରେଣୀ ଛାତ୍ରଛାତ୍ରୀଙ୍କର ପ୍ରବେଶ ପତ୍ରକୁ ବିଦ୍ୟାଳୟର ପ୍ରଧାନ ଶିକ୍ଷକମାନେ ବୋର୍ଡ ୱେବସାଇଟରୁ ଡାଉନ୍‌ଲୋଡ କରିପାରିବେ।

ସେହିଭଳି ଓଡ଼ିଶା ରାଜ୍ୟ ମୁକ୍ତ ବିଦ୍ୟାଳୟ, ସଂସ୍କୃତ ମଧ୍ୟମା ଓ ପତ୍ର ବିନିୟମ ପାଠ୍ୟକ୍ରମରେ ବାର୍ଷିକ ପରୀକ୍ଷା ଦେବାକୁଥିବା ଛାତ୍ରଛାତ୍ରୀଙ୍କ ପ୍ରବେଶ ପତ୍ର ମଧ୍ୟ ପ୍ରକାଶ ପାଇଛି। ନିଜ ସ୍କୁଲକୁ ପରୀକ୍ଷ‌ା କେନ୍ଦ୍ର କିମ୍ବା ନୋଡାଲ ସେଣ୍ଟର କରାଯାଇଛି କି ନାହିଁ ଓ ପରୀକ୍ଷା ସମ୍ବନ୍ଧିତ ସମସ୍ତ ସୂଚନା ବୋର୍ଡ ୱେବସାଇଟରେ ଜାରି କରାଯାଇଛି। ପ୍ରଧାନଶିକ୍ଷମାନେ ନିଜ ସ୍କୁଲର କୋର୍ଡ ଓ ପାସୱାର୍ଡ ଦେଇ ସବିଶେଷ ତଥ୍ୟ ପାଇପାରିବେ। ଏନେଇ ଶୁକ୍ରବାର ବୋର୍ଡ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।