୧୭ ମଙ୍ଗଳସୂତ୍ର ନେଇ ଛୁ

କେନ୍ଦୁଝର/ପାଟଣା: ଗ୍ରାହକ ଭାବେ ଆସି ୧୭ ମଙ୍ଗଳସୂତ୍ର ଧରି ଛୁ ମାରିଲେ ଦୁର୍ବୁତ୍ତ। ତୁରୁମୁଙ୍ଗା ଥାନା ଝାରବେଡ଼ାସ୍ଥିତ ଏକ ଜୁଏଲାରୀରୁ ୧୭ ମଙ୍ଗଳସୂତ୍ର ଲୁଟି ହୋଇଥିବା ଅଭିଯୋଗ କରାଯାଇଛି। ଘଟଣାସ୍ଥଳରେ ତୁରୁମୁଙ୍ଗା ପୁଲିସ  ଛାନଭିନ ଚଳାଇଛି।

ପାଟଣା ବ୍ଲକ ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ତୁରୁମୁଙ୍ଗା ବଜାରରେ ଥିବା ମା ଅଳଙ୍କାର ଦୋକାନରୁ ୧୭ଟି ମଙ୍ଗଳସୂତ୍ର ଥିବା ଅଳଙ୍କାର ବାକ୍ସ ଲୁଟ ହୋଇଛି। ୨ ଜଣ ବ୍ୟକ୍ତି ଗ୍ରାହକ ବେଶରେ ଆସି ବିଭିନ୍ନ ପ୍ରକାର ସୁନା ଅଳଙ୍କାର ଦେଖିବା ପରେ ଚତୁରତାର ସହ ମଙ୍ଗଳସୂତ୍ର ଥିବା ଅଳଙ୍କାର ବାକ୍ସଟିକୁ ଉପସ୍ଥିତ ଥିବା ମାଲିକ ତୃପ୍ତିରଞ୍ଜନ ସାହୁଙ୍କ ଅଜ୍ଞାତରେ ଲୁଟି ନେଇ ଫେରାର ହୋଇଯାଇଛନ୍ତି। ତୃପ୍ତିରଞ୍ଜନ ସାହୁ ସିସିଟିଭିରୁ ମଙ୍ଗଳ ସୂତ୍ର ଚୋରୀ ହୋଇଥିବା ଘଟଣା ଜାଣିବା ପରେ ତୁରୁମୁଙ୍ଗା ଥାନାରେ ଲିଖିତ ଅଭିଯୋଗ କରିଛନ୍ତି। ତୁରୁମୁଙ୍ଗା ଥାନାଧିକାରୀ ଧର୍ମେନ୍ଦ୍ର ଶାନ୍ତି ଖବର ପାଇ ଅଳଙ୍କାର ଦୋକାନରେ ଯାଞ୍ଚ ଚଳାଇ ଥିବା ଜଣା ପଡ଼ିଛି।