ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ତୁଳୁ-ଲଉଡିଗାଁ ରାସ୍ତା ର ଷୋଳବିନ୍ଧା ଛକ ଠାରେ ଏକ ମୋଟରସାଇକେଲ ରାସ୍ତା ଉପରେ ବିପଦପୂର୍ଣ୍ଣ ଅବସ୍ଥା ରେ ଥିବା ବିଦ୍ୟୁତ୍ ଖୁଣ୍ଟକୁ ଧକ୍କା ଦେବା ଫଳରେ ଚାଳକ ଜଣଙ୍କ ଘଟଣାସ୍ଥଳରେ ପ୍ରାଣବାୟୁ ଉଡି ଯାଇଥିଲା। ଯାହାଫଳରେ କିଛି ସମୟ ପାଇଁ ସେଠାରେ ଉତେଜନା ଦେଖା ଦେବା ସହ ଉପଯୁକ୍ତ କ୍ଷତିପୂରଣ ସହ ତୁରନ୍ତ ରାସ୍ତା ଉପରେ ରହିଥିବା ବିଦ୍ୟୁତ ଖୁଣ୍ଟ ଗୁଡ଼ିକୁ ତୁରନ୍ତ ସ୍ଥାନାନ୍ତରିତ କରିବାକୁ ଦାବି ହୋଇଥିଲା।
ଦୁର୍ଘଟଣାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଜଣଙ୍କ ଗୋପାଳପୁର ଥାନା ଅନ୍ତର୍ଗତ କମଳାପୁର ନାରାୟଣ ସାହୁ ଓରଫ ପ୍ରକାଶ (୪୫) ବୋଲି ଜଣାପଡିଛି। ପ୍ରକାଶ ସୋମବାର ଦିନ ଦାସପୁରରେ ସମ୍ପର୍କୀୟଙ୍କ ବାହାଘରରେ ସାମିଲ ହେବା ନିମନ୍ତେ ପରିବାର ସହ ଆସିଥିଲେ। ଦାସପୁରରୁ ନିଜ ଗାଁ କମଳାପୁର ଫେରୁଥିବା ବେଳେ ଷୋଳବିନ୍ଧା ଛକ ଠାରେ ରାସ୍ତା ଉପରେ ବିଦ୍ୟୁତ ଖୁଣ୍ଟକୁ ଧକ୍କା ଦେଇଥିଲା । ଫଳରେ ମୋଟର ସାଇକେଲ ଦୁର୍ଘଟଣା ଗ୍ରସ୍ତ ହେବା ସହ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିଥିଲା ଏବଂ ବ୍ୟବଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରିଥିଲା।
Comments are closed.