ଧାମରା : ଧାମରାର ପ୍ରସିଦ୍ଧ ମା’ ଧାମରାଇଙ୍କ ମକରମେଳା ପାଇଁ ଏକ ସ୍ୱଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ମାଧ୍ୟମରେ ମା’ ଧାମରାଇ ବିଜେପି ମଣ୍ଡଳ ଯୁବ ମୋର୍ଚ୍ଚା ପକ୍ଷରୁ ହୋଇଥିବା କାର୍ଯ୍ୟକ୍ରମରେ ଧାମରାଇ ମନ୍ଦିର, ମକର ମେଳା ପଡିଆକୁ ସ୍ୱଚ୍ଛ ରଖିବା ସହ ଏହି ମେଳା ପଡିଆରେ ଥିବା ସମସ୍ତ ଶୌଚାଳୟ ଗୁଡିକୁ ସଫା କରିବା ସହ ସେହି ସମସ୍ତ ସ୍ଥ୍ରାନର ବ୍ଲିଚିଂ ପାଉଡର ମଧ୍ୟ ପକାଇ ସମସ୍ତ ଜନସାଧାରଣଙ୍କୁ ସ୍ୱଚ୍ଛତାର ବାର୍ତ୍ତା ପ୍ରଦାନ କରିଥିଲେ। ଧାମରାରେ ପ୍ରସିଦ୍ଧ ଏହି ମକରମେଳା ଦୀର୍ଘ ୬ଦିନ ହେବ ଚାଲୁଥିବା ଅବସରେ ନିକଟସ୍ଥ ତାଳଚୁଆ, ରାଜନଗର, କେନ୍ଦ୍ରାପଡା, ସୋରୋ ବାଲେଶ୍ୱର, ଜଳେଶ୍ୱର, ଚାନ୍ଦବାଲି, ତିହିଡି ପ୍ରଭୃତି ଅଞ୍ଚଳର ବହୁ ଦୋକାନୀ ମାନେ ନିଜର ପସରା ଖୋଲିଥିବା ବେଳେ ଲକ୍ଷାଧିକ ଯାତ୍ରୀ ମାନଙ୍କ ସମାଗମ ମଧ୍ୟ ଚାଲିଛି।
ଏହାକୁ ଦୃଷ୍ଟିରେ ରଖି ଧାମରା ବିଜେପି ମଣ୍ଡଳର ଯୁବ ମୋର୍ଚା କମିଟି ପକ୍ଷରୁ ଏହି ସଫେଇ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା। ଆଜିର ଏହି କାର୍ଯ୍ୟକ୍ରମରେ ଯୁବ ମୋର୍ଚ୍ଚାର ସଭାପତି ତ୍ରିଦିବେଶ ପ୍ରଧାନ, ପ୍ରକୃତିବନ୍ଧୁ ଶରତ ଦଳେଇ, ବିପଦ ବେହେରା, ମୁରଲୀଧର ନାୟକ, ଚନ୍ଦନ ଜେନା, ଶ୍ରୀକାନ୍ତ ଜେନା, ମାନଓ କୁମାର ନାୟକ, ରତିକାନ୍ତ ବେହେରା, ବାବୁରାମ ସେଠୀ, ପ୍ରବୀର ସେଠୀ ପ୍ରମୁକ ଉପସ୍ଥିତ ରହି ଏହି ସ୍ୱଚ୍ଛ ଭାରତ କାର୍ଯ୍ୟକ୍ରମରେ ସାମିଲ ହୋଇଥିଲେ।
Comments are closed.