ନୂଆଦିଲ୍ଲୀ : ‘ରୋବର୍ଟ ଡାଉନୀ’ ଅଭିନୀତ ହଲିଉଡର ସୁପରହିରୋ ଚଳଚ୍ଚିତ୍ର ‘ଆଭେଞ୍ଜର-୪’ର ଟ୍ରେଲର ରିଲିଜ ହୋଇଛି। ଆଭେଞ୍ଜରର ପ୍ରତିଭାଗ ଭଳି ଏହି ଭାଗରେ ମଧ୍ୟ କିଛି ନୂଆ ଦେଖିବାକୁ ମିଳିବ ବୋଲି ଦର୍ଶକମାନେ ଆଶା ବ୍ୟକ୍ତ କରିଛନ୍ତି। ରିଲିଜ ହୋଇଥିବା ୨ମିନିଟ ୨୫ସେକେଣ୍ଡର ଏହି ଟ୍ରେଲରରେ ‘ଡାଉନୀ’ ଫିଲ୍ମ ଆରମ୍ଭର ଦୁଇଟି ସିନରେ ନଜର ଆସିଛନ୍ତି। ଆଭେଞ୍ଜରର ପ୍ରତିଭାଗ ଭଳି ‘ମାର୍ବଲ ସିନେମାଟିକ ୟୁନିଭର୍ସ’ ବ୍ୟାନରରେ ନିର୍ମାଣ ହୋଇଛି ଆଭେଞ୍ଜରର ଚତୁର୍ଥ ଭାଗ। ଖବରଅନୁସାରେ ବହୁଦିନ ହେବ ପ୍ରଶଂସକ ମାନେ ଏହାର ଟ୍ରେଲର ଦେଖିବା ପାଇଁ ଉତ୍କଣ୍ଠାର ସହ ଚାହିଁରହିଥିଲେ। ଡିସେମ୍ବର ୦୫ତାରିଖ ବୁଧବାର ରିଲିଜ ହେବାକୁ ଥିବା ଏହାର ଟ୍ରେଲର ୨ଦିନପରେ ୦୭ତାରିଖ ଶୁକ୍ରବାର ମୁକ୍ତିଲାଭ କରିଛି। ଆମେରିକାର ପୂର୍ବତନ ରାଷ୍ଟ୍ରପତି ଜିଏଚ୍ ୱାସିଙ୍ଗଟନଙ୍କ ଅନ୍ତିମ ସଂସ୍କାର ପାଇଁ ଟ୍ରେଲର ରିଲିଜରେ ବିଳମ୍ବ ହୋଇଥିବା ଜଣାପଡିଛି। ନଭେମ୍ବର ୩୦ରେ ଜିଏଚ୍ ୱାସିଙ୍ଗଟନଙ୍କ ପରଲୋକ ହୋଇଥିଲା ଏବଂ ଡିସେମ୍ବର ୦୫ରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା। ଆନ୍ଥୋନି ରୁଶୋ ଏବଂ ଜୋ ରୁଶୋଙ୍କ ନିର୍ଦେଶନାରେ ନିର୍ମାଣ ହୋଇଛି ଏହି ଚଳଚ୍ଚିତ୍ର। ୨୦୧୯ମଇରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର।
