ଆଠଗଡ଼: ଆଠଗଡ଼ ବ୍ଲକର ୩ ନମ୍ବର ଜୋନ ଅନ୍ତର୍ଗତ ଧାଈପୁର ପଞ୍ଚାୟତର ଛତାବର ଠାରେ ଆମ ଓଡିଶା, ବିକଶିତ ଓଡିଶା କାର୍ଯ୍ୟକ୍ରମ ବ୍ଲକ ବିଜେଡି ସଭାପତି ରବିନ୍ଦ୍ରନାଥ ରାଉତଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ନୂତନ ଭାବରେ ରାଜ୍ୟ ସରକାର ନଵୀନ ଓଡିଶା ମାଧ୍ୟମରେ ସମସ୍ତ ପଞ୍ଚାୟତରେ ମଠ, ମନ୍ଦିର, ଗୋଷ୍ଠୀ ଗୃହ, କ୍ଲବ ଘର ମାନଙ୍କୁ ବ୍ୟାପକ ଦିଆଯାଇଛି ।ଅନୁଦାନ କିଭଳି ଭାବରେ ସଠିକ ସମୟରେ ବିନିଯୋଗ କରାଯାଇ କାର୍ଯ୍ୟ ସମ୍ପାଦନ ହେବ ସେ ଦିଗରେ ଧ୍ୟାନ ଦେବାକୁ ମଞ୍ଚାସୀନ ନେତୃମଣ୍ଡଳୀ ପରାମର୍ଶ ଦେଇଥିଲେ ।
ଆଠଗଡକୁ ଏକ ନମ୍ବର ନିର୍ବାଚନମଣ୍ଡଳୀରେ ପରିଣତ କରିବା ଲାଗି କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ନିରନ୍ତର ଉଦ୍ୟମ କରିଚାଲିଛନ୍ତି ଏବଂ ଆଠଗଡର ସବୁ କ୍ଷେତ୍ରରେ ବ୍ୟାପକ ପ୍ସ୍ଵାରଗତି ହୋଇଛି ବୋଲି ବକ୍ତାମାନେ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ କଟକ ଜିଲ୍ଲା ବିଜେଡି ଉପସଭାପତି ନୃସିଂହ ଚରଣ ମହାପାତ୍ର, ଜିଲ୍ଲା ପରିଷଦ ସଭ୍ୟ ବଳଭଦ୍ର ବାଘ, ଶାନ୍ତି ଲତା ବେହେରା, ପୂର୍ବତନ ବ୍ଲକ ଅଧ୍ୟକ୍ଷ ରଞ୍ଜନ କୁମାର ଆଚାର୍ଯ୍ୟ, ସମବାୟଵିତ ଲଳିତେନ୍ଦୁ ସେନାପତି, ପ୍ରଦୀପ୍ତ କୁମାର ଦାସ, ବ୍ଲକ ଛାତ୍ର ବିଜେଡି ସଭାପତି ସତ୍ୟପ୍ରିୟ ମହାନ୍ତି, ମହମ୍ମଦ ଖାଲିଦ, ବାସନ୍ତୀ ରାଉଳ, ଲକ୍ଷ୍ମୀପ୍ରିୟା ବେହେରା, ଯୁବ ସଭାପତି ଵିନୋଦ କୁମାର ମାଝି, କଟକ କେନ୍ଦ୍ର ସମବାୟ ବ୍ୟାଙ୍କ ନିର୍ଦ୍ଦେଶକ ପ୍ରଶାନ୍ତ କୁମାର ସ୍ବାଇଁ, ଆଠଗଡ଼ ବ୍ଲକ ଉପାଧ୍ୟକ୍ଷ ସୁବାସ ମଲ୍ଲିକ, ଧାଇପୁର ସମିତି ସଭ୍ୟା ସୋନାଲି ଗୋଛାୟତ, ଧାଇପୁର ସେବାସମବାୟ ସମିତିର ସଭାପତି ପ୍ରଶାନ୍ତ କୁମାର ସାହୁ, ଯୁବ ନେତା ଧରଣୀଧର ବେହେରା ,କୃଷକ ନେତା ନିରାକାର ଲେଙ୍କା ପ୍ରମୁଖ ଯୋଗ ଦେଇଥିଲେ।
Comments are closed.