ବେଜିଂ- ଏବେ ଚୀନ୍ ସେନାରେ ଅସନ୍ତୋଷ ବୃଦ୍ଧି ପାଉଛି । କିଛି ଦିନ ତଳେ ଚୀନ୍ର ଏକ ବୁଡାଜାହାଜ ବୁଡିଯିବା ସହ ଏଥିରେ ଥିବା ନୌସେନା କର୍ମଚାରୀ ଏବଂ ଅଧିକାରୀଙ୍କର ମୃତ୍ୟୁ ହୋଇଥିବା ସୂଚନା ମିଳିଥିଲା । ଏହାପରେ ଚୀନ୍ର ସେନାରେ ବଡ ଧରଣର ଦୁର୍ନୀତି ଏବଂ ଭ୍ରଷ୍ଟାଚାର ହେବା କଥା ଅଭିଯୋଗ ହୋଇଥିଲା । ଏହି ଘଟଣାପରେ ଚୀନ୍ର ପ୍ରତିରକ୍ଷା ମନ୍ତ୍ରୀଙ୍କୁ ତାଙ୍କ ପଦରୁ ହଟାଇ ଦିଆଯାଇଥିଲା ।
ଚୀନ୍ର ଏହାର ପଡୋଶୀ ଦେଶମାନଙ୍କ ସହ ସମ୍ପର୍କ ଭଲ ନାହିଁ । ଭାରତ ସହ ଜାପାନ ତଥା ଦକ୍ଷିଣଚୀନ୍ ସାଗରରେ ଥିବା ଦେଶମାନଙ୍କ ସହ ତିକ୍ତତା ବୃଦ୍ଧି ପାଉଛି । ଚୀନ୍ର ବିସ୍ତାରବାଦୀ ନୀତି ଯୋଗୁଁ ଅନେକ ଦେଶ ଏହାର ଶତ୍ରୁ ହୋଇଯାଇଛନ୍ତି ।
ଚୀନ୍ ନୌସେନାର ନ୍ୟୁକ୍ଲିୟର ଚାଳିତ ବୁଡାଜାହାଜ ଦୁର୍ଘଟଣାଗ୍ରସ୍ତ ହୋଇଥିବା କଥା ଆମେରିକା ତଥା ଅନ୍ୟ କେତକ ଦେଶ ପକ୍ଷରୁ କୁହାଯାଇଛି । ଚୀନ୍ ଏହି କଥାକୁ ଖଣ୍ଡନ କରିଛି । ମାତ୍ର ଚୀନ୍ ଏହାର ପ୍ରତିରକ୍ଷା ମନ୍ତ୍ରୀଙ୍କୁ ପଦରୁ ହଟାଇବା ସହ ପିପୁଲସ୍ ଲିବେରେସନ୍ ଆର୍ମିର ଅନେକ ପଦାଧିକାରୀଙ୍କୁ ହଟାଇ ଦେଇଛି । ଏଥିଯୋଗୁଁ ଚୀନ୍ ସେନାରେ ଅସନ୍ତୋଷ ବୃଦ୍ଧି ପାଇଥିବା କଥା ସ୍ପଷ୍ଟ ହୋଇଛି ।
ଚୀନ୍ର ନେତାମାନେ ତାଇଓ୍ୱେନ୍କୁ ନେଇ ବାରମ୍ବାର ଧମକ ଦେଉଛନ୍ତି । ଏହାକୁ ଏବେ ଆମେରିକା ସହ ଅନ୍ୟ ୟୁରୋପୀୟ ଦେଶମାନେ ଚୀନ୍ ମାନସିକ ଚାପ ସୃଷ୍ଟି କରୁଥିବା କଥା କହୁଥିବା ବେଳେ ,ରୁଷ୍ ଏବଂ ୟୁକ୍ରେନ ଯୁଦ୍ଧପରେ ଘଟଣାକୁ ଗୁତତ୍ୱ ଦେଇଛନ୍ତି । ମାତ୍ର ଏବେ ଚୀନ୍ ସେନାରେ ବଡଧରଣ ଅସନ୍ତୋଷ ଦେଖାଦେଇଥିବା କଥା ଆମେରିକା ସହ ବିଶ୍ୱର ଅନ୍ୟ ପ୍ରତିରକ୍ଷା ବିଶେଷଜ୍ଞମାନେ ମତ ଦେଇଛନ୍ତି ।
Comments are closed.