ଝାରସୁଗୁଡ଼ା ବେଦାନ୍ତ ଆଲୁମିନିୟମର ସ୍ମେଲଟର ଉତ୍ପାଦନ କ୍ଷମତା ବୃଦ୍ଧି ପାଇଁ ଆସନ୍ତା ୩୦ ତାରିଖ କୁରେବଗା ପଞ୍ଚାୟତରେ ହେବାକୁ ଥିବା ଜନ ଶୁଣାଣିକୁ ଘୁଞ୍ଚାଇବା ପାଇଁ ବିଭିନ୍ନ ମହଲରେ ଦାବି ହୋଇଥିଲା । ଝାରସୁଗୁଡ଼ା ଜିଲ୍ଲାରେ କରୋନା ଦ୍ରୁତ ଗତିରେ ବୃଦ୍ଧି ପାଉଥିବାବେଳେ ଜନ ଶୁଣାଣି କିପରି ଭାବରେ ଆୟୋଜନ ହେବ। ଲୋକେ ଉପସ୍ଥିତ ହୋଇ ସେମାନଙ୍କ ମତ ଉପସ୍ଥାପନ କରିବାରେ ସମସ୍ୟା ସୃଷ୍ଟି ହେବ। ଏହାସହ ବେଦାନ୍ତର ଉତ୍ପାଦନ କ୍ଷମତା ବୃଦ୍ଧି ହେଲେ ଯେଉଁ ଅଞ୍ଚଳ ପ୍ରଭାବିତ ହେବ ସେଠାକାର ଲୋକଙ୍କୁ ପ୍ରଥମେ ଏ ବିଷୟରେ ପୁଙ୍ଖାନୁପୁଙ୍ଖ ଭାବରେ ଅବଗତ କରାଯାଉ ଏବଂ ପରେ ଜନ ଶୁଣାଣିର ଆୟୋଜନ କରାଯାଉ ବୋଲି ପ୍ରଶାସନ ନିକଟରେ ଜିଲ୍ଲା ଓକିଲ ସଂଘ, ଆଞ୍ଚଳିକ ପରିବେଶ ସୁରକ୍ଷା ସଂଘ ସମେତ ବିଜେପି ଦାବି କରିଥିଲା । ଏବଂ ଜନ ଶୁଣାଣି ଘୁଞ୍ଚାଇବା ପାଇଁ ହାଇକୋର୍ଟ ରେ ମଧ୍ୟ ଦ୍ୱାରସ୍ଥ ହୋଇଥିଲେ ।ଶେଷରେ ମାନ୍ୟବର ହାଇକୋର୍ଟ ବିଚାର କରି ଆସନ୍ତା କାଲି ହେବାକୁ ଥିବା ଜନ ଶୁଣାଣି କୁ ସ୍ଥଗିତ କରିଛନ୍ତି । ।
ବେଦାନ୍ତ କାରଖାନାର କ୍ଷମତା ବାର୍ଷିକ ୧୬ଲକ୍ଷ ମେଟ୍ରିକ ଟନ୍ରୁ ୧୮ଲକ୍ଷ ମେଟ୍ରିକ ଟନ୍କୁ ସମ୍ପ୍ରସାରଣ ପାଇଁ ୩୦ତାରିଖ ଦିନ ସାଧାରଣ ବୈଠକ ଡାକିବାକୁ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ଅଗଷ୍ଟ ୨୭ ତାରିଖରେ ବିଜ୍ଞାପନ ଦିଆଯାଇଥିଲା। ତେବେ ଜିଲ୍ଲାରେ କୋରୋନା ସଂକ୍ରମଣ ହୁ ହୁ ହୋଇ ବଢୁଥିବାରୁ ଜିଲ୍ଲାର ଅଧିକାଂଶ ଅଞ୍ଚଳରେ କଣ୍ଟେନମେଣ୍ଟ ଲାଗୁ ହୋଇଛି। ଏପରି ସମୟରେ କରୋନା ମହାମାରୀ ନିୟନ୍ତ୍ରଣ ପାଇଁ ଚାମ୍ବର ଅଫ୍ କମର୍ସ ଓ ଝାରସୁଗୁଡା ଜିଲ୍ଲା ପ୍ରଶାସନ ମିଳିତ ଭାବେ ଚଳିତମାସ ୨୬ରୁ ୩୦ ତାରିଖ ପର୍ଯ୍ୟନ୍ତ ଝାରସୁଗୁଡା ଓ ଏହାର ଆଖପାଖ ଅଞ୍ଚଳ ପାଇଁ ସଟ୍ଡାଉନ୍ ଘୋଷଣା କରିଛନ୍ତି। ଏପରି ସ୍ଥଳେ ଜନଶୁଣାଣୀ ଏକ ଅସମ୍ଭବ ବ୍ୟାପାର ମାତ୍ର ରାଜ୍ୟ ସରକାର ଙ୍କ ପ୍ରଦୂଷଣ ନିୟନ୍ତ୍ରଣ ବିଭାଗ ଜନଶୁଣାଣୀ ପାଇଁ ଦିନ ଧାର୍ଯ୍ୟ କରିବା ଜିଲ୍ଲାବାସୀ ଙ୍କ ପାଇଁ ସହଜ ଗ୍ରହଣୀୟ ନଥିଲା ।ଏଣୁ ଲୋକେ ଏହାର ବିରୋଧ କରି ଆସୁଥିଲେ ।
ବିଜେପି ନେତା ଦିନେଶ ଜୈନ, ସୁନ୍ଦରଗଡ ବିଧାୟିକା କୁସୁମ ଟେଟେ ପ୍ରମୁଖ ଜନଶୁଣାଣୀ କୁ ବନ୍ଦ କରିବା ପାଇଁ ସରକାରଙ୍କ ଠାରେ ଦାବି କରିଥିଲେ ।କେତେକ ସ୍ଥାନୀୟ ଲୋକେ ହାଇକୋର୍ଟର ଆଶ୍ରୟ ନେଇଥିଲେ ।ଯାହାର ବିଚାର କରି ମାନ୍ୟବର ହାଇକୋର୍ଟ ସମସ୍ତ ପ୍ରତିପକ୍ଷ ଙ୍କୁ ନୋଟିସ ଜାରି କରିବା ସହ ପରବର୍ତ୍ତୀ ତାରିଖ ଯାଏ ଜନଶୁଣାଣୀ କୁ ସ୍ଥଗିତ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି । ଫଳରେ ଜନଶୁଣାଣୀ କୁ ନିଜ ସପକ୍ଷରେ କରାଇନେଵାର ବେଦାନ୍ତ ସମସ୍ତ ଯୋଜନା ଫସର ଫାଟି ଯାଇଛି ।
Comments are closed.