ନୂଆଦିଲ୍ଲୀ : ତରକାରୀ ଏବଂ ସାଲାଡର ସ୍ୱାଦ ବୃଦ୍ଧି ପାଇଁ ପିଆଜ ବ୍ୟବହାର କରାଯାଇଥାଏ। ଖାଦ୍ୟରେ ପିଆଜ ନଥିଲେ ରୁଚେ ନାହିଁ। ତେବେ ପିଆଜ ପୁରୁଷଙ୍କ ପାଇଁ ଅନେକ ହିତକର। ନିକଟରେ ଏକ ଗବେଷଣାରୁ ଜଣାପଡିଛି ଯେ ପିଆଜ ଖାଇଲେ ପୁରୁଷଙ୍କ ଶୁକ୍ରାଣୁରେ ବୃଦ୍ଧି ଘଟିଥାଏ ଓ ଏହା ଚୁଟି ଝଡ଼ିବାକୁ ରୋକିବାରେ ସହାୟକ ହୋଇଥାଏ। କେତେକ ଲୋକ ମୁଖ ଗନ୍ଧ ଯୋଗୁଁ ପିଆଜ ଖାଇବାକୁ ଭଲ ପାଆନ୍ତି ନାହିଁ। ହେଲେ ଏହାର ଉପକାରୀ ଗୁଣ ଜାଣିଲେ ପିଆଜ ଖାଇବାକୁ ନିଜକୁ ରୋକି ପାରିବେ ନାହିଁ। ଏଥିରେ ଆଣ୍ଟି-ଇପ୍ଲେମେଟ୍ରି, ଆଣ୍ଟି-ଆଲର୍ଜିକ୍ ଏବଂ ଆଣ୍ଟି-କୋର୍ସିନୋଜୋନିକ୍ ଗୁଣ ରହିଛି। ଏହାଦ୍ୱାରା ଅନେକ ପ୍ରକାର ରୋଗ ଭଲ ହୋଇଥାଏ। ତେଣୁ ପିଆଜ ଖାଇଲେ ଲୋକଙ୍କ ଆୟୁ ବୃଦ୍ଧି ଘଟିଥାଏ ବୋଲି ଅନେକ ସ୍ଥାନରେ ଲୋକକଥା ରହିଛି।
୧-ପିଆଜ ତ୍ୱଚାକୁ ଯବାନ ରଖିଥାଏ।
୨- ଶୁକ୍ରାଣୁ ତିଆରିରେ ବୃଦ୍ଧି ଘଟିଥାଏ।
୩- କେଶ୍ ଝଡ଼ିବା ବନ୍ଦ ହୋଇଥାଏ।
ଧଳା ପିଆଜ ଶୁକ୍ରାଣୁ ବୃଦ୍ଧି ପାଇ ସହାୟକ ହୋଇଥାଏ। ଧଳା ପିଆଜ, ଅଦା, ହଳଦୀ ଆଦି ବାଟି ରଶ ବାହାର କରି ପିଇଲେ ୨୧ ଦିନ ମଧ୍ୟରେ ନପୁଷକତା ଦୂର ହୋଇଥାଏ। ବିଶେଷ କରି ପିଆଜକୁ ବାଟି ଗୁଡ଼ ମିଶାଇ ଖାଇଲେ ଶୁକ୍ରାଣୁ ବଢିଥାଏ। ମଧୁମେହ ରୋଗୀଙ୍କ ପାଇଁ ପିଆଜ ଖାଇବା ଲାଭଦାୟକ ହୋଇଥାଏ। ଏହା ଖାଇବା ଦ୍ୱାରା ଶରୀରରେ ଇନସୁଲିନ୍ ତିଆରି ହୋଇଥାଏ। ପିଆର ରକ୍ତରେ ମଧୁର ମାତ୍ରାକୁ ନିୟନ୍ତ୍ରିତ କରିଥାଏ। ଥଣ୍ଡା ହେଲେ କିମ୍ବା ଖାସ ହେଲେ ପିଆଜ ରସ ଶହ ଗୁଡ଼ ମିଶାଇ ପିଇଲେ ଲାଭ ମିଳିଥାଏ। ସେହିପରି ପିଆଜ ଖାଇଲେ ରକ୍ତ ହିନତା ଦୂର ହୋଇଥାଏ। କଫ ହେଲେ ପିଆଜ ରସରେ ମିଶ୍ରି ମିଶାଇ ଚାଟିଲେ ଫାଇଦା ମିଳିଥାଏ।
