ଭୁବନେଶ୍ୱର : ସ୍ପୋଟ୍ସ ସାଇନ୍ସ ଇଣ୍ଡିଆ ଆନୁକୂଲ୍ୟରେ ଆସନ୍ତା ୧୬ ତାରିଖରେ କଳିଙ୍ଗ ଷ୍ଟାଡ଼ିୟମ୍ରେ ଏସ୍ଏସ୍ଆଇ ସ୍ପୋଟ୍ସ ସାଇନ୍ସ କନକ୍ଲେଭ ଅନୁଷ୍ଠିତ ହେବ । କାର୍ଯ୍ୟକ୍ରମରେ ଭାରତର କ୍ରୀଡ଼ା ବିଜ୍ଞାନ ବିଶେଷଜ୍ଞ ଓ ଡ଼ାକ୍ତର ଯୋଗଦେଇ ବିଭିନ୍ନ ଦିଗ ଉପରେ ଆଲୋଚନା କରିବେ ବୋଲି ସ୍ପୋଟ୍ସ ସାଇନ୍ସ ଇଣ୍ଡିଆର ପ୍ରତିଷ୍ଠାତା ତଥା ସ୍ପୋଟ୍ସ ସର୍ଜନ ଡ଼. ସାର୍ଥକ ପଟ୍ଟନାୟକ ବୁଧବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଡ଼. ପଟ୍ଟନାୟକ କହିଲେ ଯେ ଏହି ସମ୍ମିଳନୀରେ କ୍ରୀଡ଼ା ଦୁନିଆର ସର୍ବୋଚ୍ଚ ଦୁଇଟି କ୍ରୀଡ଼ା ଓ ଚିକିତ୍ସା ବିଜ୍ଞାନକୁ ଏକତ୍ର କରିବ । ବିଶେଷ କରି ଗୋଟେ ଛାତ ତଳେ ଓଡ଼ିଶାରେ ତୃଣମୂଳ କ୍ରୀଡ଼ାକୁ ମଜବୁତ୍ କରିବାକୁ ବିଶେଷଜ୍ଞମାନେ ମତବିନିମୟ କରିବେ । ଦିନତମାମ ସମ୍ମିଳନୀରେ ଆଘାତ ନିବାରଣ, କ୍ରୀଡ଼ା ବିଜ୍ଞାନ ଓ ପୁର୍ନବାସ ଉପରେ ବିଭିନ୍ନ ଅଧିବେଶନ କରାଯିବ । କେନ୍ଦ୍ର ଓ ରାଜ୍ୟ ସରକାର କ୍ରୀଡ଼ା ଉପରେ ଅଧିକ ଗୁରୁତ୍ୱ ଦେଉଥିବା ବେଳେ ଏହାକୁ ଲକ୍ଷ୍ୟ କରି ସ୍ପୋଟ୍ସ ସାଇନ୍ସ ଇଣ୍ଡିଆ ପକ୍ଷରୁ ପଦକ୍ଷେପ ନିଆଯାଇଛି ।
ମୁଖ୍ୟତଃ କ୍ରୀଡ଼ା ବିଜ୍ଞାନ ଉପରେ ସଚେତନ କରିବା ଆମର ମୁଖ୍ୟ ଉଦ୍ଦେଶ୍ୟ । ସମ୍ମିଳନୀରେ ମୁଖ୍ୟ ଅତିଥି ଭାବେ କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା ଯୋଗଦେବାର କାର୍ଯ୍ୟକ୍ରମ ରହିଛି । ସବୁଠୁ ବଡ଼ କଥା ହେଉଛି ଏହି ସମ୍ମିଳନୀରେ ଭାରତରେ କ୍ରୀଡ଼ା କ୍ଷେତ୍ରରେ ଜଡ଼ିତ ଥିବା ବ୍ୟକ୍ତି ବିଶେଷ ମାନଙ୍କୁ ସମ୍ମାନିତ କରାଯିବ । ଯେଉଁଥିରେ ରହିଛି କର୍ଣ୍ଣ ଆୱାର୍ଡ଼, ପାଇକ ଟିମ୍ ଆୱାର୍ଡ଼, ଏସ୍ଏସ୍ଆଇ ଏମରଜିଂ ପ୍ଲେୟର ଆୱାର୍ଡ଼, ଦିଲ୍ଲୀପ ତୀର୍କି ଗ୍ରାସରୁଟ୍ ଆୱାର୍ଡ଼, ଏସ୍ଏସ୍ଆଇ କୋଚ୍ ଆୱାର୍ଡ଼, ଏସ୍ଏସ୍ଆଇ ଲାଇଫ୍ ଟାଇମ୍ ଆୱାର୍ଡ଼, ଏସ୍ଏସ୍ଆଇ ସ୍ପ୍ରିନ୍ଟ ଚାମ୍ପିୟନ ଆୱାର୍ଡ଼ (ପୁରୁଷ ଓ ମହିଳା), ଏସ୍ଏସ୍ଆଇ ବେଷ୍ଟ ସ୍ପୋର୍ଟ୍ସ ପର୍ସନ ଆୱାର୍ଡ଼, ଏସ୍ଏସ୍ଆଇ ସ୍ପୋଟ୍ସ ଡ଼େଭେଲପ୍ମେ ଆୱାର୍ଡ଼, ଏସ୍ଏସ୍ଆଇ ସ୍ପୋର୍ଟ ଜୋର୍ନାଲିଜିମ୍ ଆୱାର୍ଡ଼ ପ୍ରଦାନ କରାଯିବ । ସେମାନଙ୍କୁ ମାନପତ୍ର ସହ ଅର୍ଥରାଶି ପ୍ରଦାନ କରାଯିବ ବୋଲି ଡ଼. ପଟ୍ଟନାୟକ କହିଥିଲେ
Comments are closed.