କଲକାତା : କଲିକତା ହାଇକୋର୍ଟର ମୁଖ୍ୟ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଶୁକ୍ରବାର ପଶ୍ଚିମବଙ୍ଗରେ ବିଜେପିର ରଥଯାତ୍ରା ଉପରେ ରୋକ୍ ଲଗାଇଛନ୍ତି। କୋର୍ଟ ଏହି ମାମଲାକୁ ବିଚାର ପାଇଁ ଟ୍ରାଏଲ କୋର୍ଟକୁ ପଠାଇ ଦେଇଛନ୍ତି। ଏହାସହ ଗୁଇନ୍ଦା ସଂସ୍ଥାଙ୍କ ସୂଚନା ଉପରେ ବିଚାର କରିବାକୁ ଏକ ଜଣିକିଆ ପୀଠକୁ ନିର୍ଦେଶ ଦେଇଛନ୍ତି।
ଉଲ୍ଲେଖଯୋଗ୍ୟ ଯେ ଗୁରୁବାର ହାଇକୋର୍ଟର ଜଣିକିଆ ଖଣ୍ଡପୀଠ ବିଜେପିକୁ ରଥଯାତ୍ରା ପାଇଁ ଅନୁମତି ପ୍ରଦାନ କରିଥିଲେ। ଏହି ରାୟ ବିରୋଧରେ ପଶ୍ଚିମବଙ୍ଗ ସରକାର ମୁଖ୍ୟ ବିଚାରପତିଙ୍କ ଖଣ୍ଡପୀଠ ନିକଟରେ ନିବେଦନ କରିଥିଲେ।
କୋର୍ଟଙ୍କ ଏହି ରାୟ ପରେ ବିଜେପିର ଏହି ର୍ୟାଲିକୁ ଅଟକଇବା ଲାଗି ମମତା ସରକାରଙ୍କ ଉଦ୍ୟମ ସଫଳ ହୋଇଛି। ବିଜେପି ର୍ୟାଲି ନିମନ୍ତେ ଉପଯୁକ୍ତ କାରଣ ଦର୍ଶାଇ ନ ଥିବା ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି। ଏଥିସହ ଏହି ରାଲି ଦ୍ୱାରା ସମ୍ପ୍ରଦାୟିକ ଦଙ୍ଗା ସୃଷ୍ଟି ହେବା ଆଶଙ୍କା ଦର୍ଶାଯାଇଛି। ପଶ୍ଚିମବଙ୍ଗ ସରକାର ଡିସେମ୍ବର ୧୫ରେ ହେବାକୁ ଥିବା ଏହି ରଥଯାତ୍ରା ପାଇଁ ଅନୁମତି ଦେବାକୁ ମନା କରିଥିଲା। ତେବେ ମମତା ସରକାରଙ୍କ ଏହି ପଦକ୍ଷେପ ଯୋଜନାବଦ୍ଧ ଥିବା ଅଭିଯୋଗ କରି ବିଜେପି ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା। ଗୁରୁବାର ରାୟ ବିଜେପିର ସପକ୍ଷରେ ଥିବାବେଳେ ଶୁକ୍ରବାର ରାୟ ବିଜେପି ବିପକ୍ଷରେ ଯାଇଛି।
ବିଜେପିର ରଥଯାତ୍ରା ଉପରେ ରୋକ୍ ଲଗାଇଲେ କଲିକତା ହାଇକୋର୍ଟ
Popular Categories
Previous article
Next article