ଭୁବନେଶ୍ୱର – ଅତିଭୀଷଣ ସାମୁଦ୍ରିକ ଝଡ ଫନିର ପ୍ରଭାରରେ ଉପକୂଳ ଓଡିଶାରେ ଭୀଷଣ କ୍ଷୟକ୍ଷତି ହୋଇଛି। ଏହାପରେ ସରକାରଙ୍କ ପକ୍ଷରୁ ରିଲିଫ ଓ ପୁନରଉଦ୍ଧାର କାର୍ଯ୍ୟ ଚାଲୁ ରହିଛି। ମାତ୍ର ଏହି ଭୀଷଣ ସାମୁଦ୍ରିକ ଝଡ ପରେ ରିଲିଫ ଓ ପୁନରଉଦ୍ଧାର କାର୍ଯ୍ୟକୁ ତ୍ୱରାନିତ୍ୱ କରିବାପାଇଁ ସେନାର ସାହାଯ୍ୟନେବା ଆବଶ୍ୟକ ବୋଲି ନୀତି ଆୟୋଗର ସ୍ଥାୟୀ ସମିତିର ସଦସ୍ୟ ତଥା ଓଡିଶାର ପୂର୍ବତନ ସୂଚନା ଆୟୁକ୍ତ ଜଗଦାନନ୍ଦ କହିଛନ୍ତି । ସେ ସିଭିଲ ସୋସାଇଟିର ସାହାଯ୍ୟରେ ବାତ୍ୟାର କ୍ଷତି ଆକଳନ କରିବା ପାଇଁ ସେ ପ୍ରଚେଷ୍ଟା କରିଛନ୍ତି । ତାଙ୍କ ସହ ସାକ୍ଷାତ କରିଥିଲେ ସମାଜର ଉପଦେଷ୍ଟା ମହେଶ ଶର୍ମା । 
ଫନିର ପ୍ରଭାବରେ ବିରାଟ ବିରାଟ ଗଛ ସହ ବିଜୁଳି ଖୁଣ୍ଟ ଉପୁଡି ପଡିଛି । ବିଦ୍ୟୁତ ଯୋଗାଣ ଓ ପାନୀୟ ଜଳ ଯୋଗାଣ ସହ ପୁନରଉଦ୍ଧାର କାର୍ଯ୍ୟକୁ ସେନାର ସାହାଯ୍ୟରେ ଅଧିକ ତ୍ୱରାନିତ୍ୱ କରାଯାଇ ପାରିବ ବୋଲି ଜଗଦାନନ୍ଦ ପ୍ରକାଶ କରିଛନ୍ତି ।
୧୯୯୯ ମହାବାତ୍ୟାରେ ୧୦ ହଜାର ଲୋକଙ୍କର ମୃତ୍ୟୁ ହୋଇଥିବା ବେଳେ ହଜାର ହଜାର କୋଟି ଟଙ୍କାର କ୍ଷତି ହୋଇଥିଲା । ସେହି ସମୟରେ ଉଦ୍ଧାର କାର୍ଯ୍ୟରେ ସେନାକୁ ନିୟୋଜିତ କରାଯାଇଥିଲା । ଏବେ ରିଲିଫ୍ ଓ ପୁନରଉଦ୍ଧାର କାର୍ଯ୍ୟ ସେ ତୁଳନାରେ ଧୀର ଗତିରେ ହେଉଥିବା ସେ ସୂଚନା ଦେଇଛନ୍ତି । ମାତ୍ର ରାଜ୍ୟ ସରକାର ଫନି ପୂର୍ବରୁ ଲୋକଙ୍କୁ ସ୍ଥାନାନ୍ତର କରିଥିବା କାର୍ଯ୍ୟ ପ୍ରଶଂସନୀୟ ବୋଲି ସେ କହିଛନ୍ତି । ଉପକୂଳ ଅଞ୍ଚଳରୁ ଲୋକମାନଙ୍କୁ ଯେପରି ଭାବରେ ସ୍ଥାନାନ୍ତର କରାଯାଇଛି ତାହା ଉଲ୍ଲେଖନୀୟ ।
ରିଲିଫ କାର୍ଯ୍ୟରେ ତାଙ୍କର ସାମାଜିକ ସଂସ୍ଥା ସିଓ୍ୱାଇଏସ୍ଡି ଓ ସିଭିଲ୍ ସୋସାଇଟିରର ସଦସ୍ୟମାନେ ସାହାଯ୍ୟ କରୁଥିବା ସେ କହିଛନ୍ତି ।ଟାଟା ଗ୍ରୁପ ପକ୍ଷରୁ ଏକ ହଜାର ଲିଟର ପାଣିକୁ ବିଶୋଧନ କରିପାରୁଥିବା ଆରୋ ଯୋଗାଇ ଦିଆଯାଇଛି। ରାଜ୍ୟ ସରକାର ବି ପଦକ୍ଷେପ ଗ୍ରହଣ କରିଛନ୍ତି । ପ୍ରମୁଖ ସଚିବ ସୌରଭ ଗର୍ଗ ଏହାର ସମୀକ୍ଷା କରୁଛନ୍ତି । ଅନ୍ୟ ବରିଷ୍ଠ ଅଧିକାରୀ ବି ବୈଠକରେ ବସୁଛନ୍ତି । ଏକାଠି ହୋଇ ଏହି ବିପତ୍ତିର ସାମ୍ନା କରୁଛନ୍ତି ବୋଲି ଜଗଦାନନ୍ଦ ସୂଚନା ଦେଇଛନ୍ତି ।
ପ୍ରଥମେ ତ ବିଜୁଳି ସଂଯୋଗ ପ୍ରଦାନ କରିବା । ତା ପରେ ଅଳିଆ ଆବର୍ଜନା ସଫା କରିବା । ଏହି ଦୁଇଟି କାମ ବେଶ୍ ଜରୁରୀ ବୋଲି ଜଗଦାନନ୍ଦ ପ୍ରକାଶ କରିଛନ୍ତି । ଏ ବିଷୟରେ ସେ ସରକାରଙ୍କୁ ଏକ ଆକଳନ ରିପୋର୍ଟ ପ୍ରଦାନ କରିବେ । ପୁରୀ, ଭୁବନେଶ୍ୱର ଓ ଖୋର୍ଦ୍ଧା ଜିଲ୍ଲାରେ ୨୫ ଜଣିଆ ଏକ ଦଳ ଏ କାମ କରୁଛନ୍ତି । ଲୋକଙ୍କୁ ପାନୀୟ ଜଳ ଯୋଗାଇ ଦେବାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଛନ୍ତି ।
Comments are closed.