ନୂଆଦିଲ୍ଲୀ : ଆଜି ୮ ମାର୍ଚ୍ଚରେ ଅନ୍ତର୍ଜାତୀୟ ମହିଳା ଦିବସ ପାଳନ ହେଉଛି । ଏହି ଦିନ ମହିଳାଙ୍କ ପାଇଁ ବହୁତ ଖାସ୍ । ଆଜି ମହିଳାଙ୍କ ପାଇଁ ଏହି ଦିନକୁ ଖାସ୍ କରିବା ପାଇଁ ସାରା ଦେଶରେ ଭିନ୍ନ ଭିନ୍ନ କାର୍ଯ୍ୟକ୍ରମ ଆୟୋଜିତ କରାଯାଉଛି । ଭାରତରେ ଅନେକ ସ୍ଥାନରେ ମହିଳାଙ୍କୁ ମାଗଣା ପ୍ରବେଶ କରାଇବାକୁ ଅନୁମତି ଦିଆଯାଇଛି । ସଂସ୍କୃତି ମନ୍ତ୍ରାଳୟ ୨୦୧୯ ମସିହାରେ ମହିଳାଙ୍କୁ ଅନ୍ତର୍ଜାତୀୟ ମହିଳା ଦିବସ ଦିନ ଖାସ୍ ଉପହାର ଦେଇ ଭାରତୀୟ ମହିଳା ପର୍ଯ୍ୟଟକଙ୍କୁ ଏବଂ ବିଦେଶୀ ମହିଳା ପର୍ଯ୍ୟଟକଙ୍କୁ ମାଗଣାରେ ଏଣ୍ଟ୍ରି କରିବାକୁ ଅନୁମତି ଦେଇଥିଲା ।
ସେବେଠୁ ପ୍ରତି ବର୍ଷ ମହିଳା ଦିବସ ଦିନ ମହିଳାମାନେ ଭାରତରେ କୌଣସି ବି ସ୍ମାରକରେ ବିନା କୌଣସି ପଇସାରେ ବୁଲିପାରିବେ । ଏହି ଅବସରରେ ଆପଣ ନିଜ ବନ୍ଧୁ ଏବଂ ପରିବାରବର୍ଗଙ୍କ ସହିତ ସେଲିବ୍ରେଟ୍ କରିପାରିବେ । ଦିଲ୍ଲୀ ସ୍ଥିତ ଐତିହାସିକ ଲାଲ୍ କିଲ୍ଲା, କୁତବମୀନାର ଆଦିରେ ବିନା ଟିକେଟରେ ଏଣ୍ଟ୍ରି କରିପାରିବେ । ଏହି ସ୍ଥାନମାନଙ୍କରେ ଆପଣଙ୍କୁ ବିଲକୁଲ ବି ପଇସା ଦେବାକୁ ପଡିବନି । ମହିଳା ଦିବସ ପରଦିନ ଶନିବାର ଏବଂ ରବିବାର ପଡୁଥିବାରୁ ଆପଣ ଆଗ୍ରା-ମଥୁରା ଟ୍ରିପ୍ ମଧ୍ୟ ଯୋଜନା କରିପାରିବେ । ତେବେ ତାଜମହଲ ଶୁକ୍ରବାର ବନ୍ଦ ରହୁଥିବାରୁ ଆପଣ ଆଗ୍ରା କିଲ୍ଲା, ଫତେହପୁର ସିକ୍ରି ସମେତ ଅନେକ ସ୍ଥାନରେ ମାଗଣାରେ ବୁଲିପାରିବେ ।
